Cafe de Tiffany (已結業)

入到去，坐係水吧對出卡位，望到個廚房污糟不堪，已經驚驚地，果然！一堆懶既廚師唔會煮得出啲咩好食既野出黎，叫左個2人餐首先係個湯，冇味既，好似一碗忌廉水咁，之後到個雜扒，火腿.煙肉.腸仔都係炸既，煎都唔煎下，豬牛雞3塊扒都係又乾又鞋又係冇味既，連個蒜茸汁都係冇味既，另一個比目魚大虾，魚同虾直頭係落粉炸既，之後放上塊鐵板度，到底為咩？虾冇味唔使講喇，個比目魚係完全冇味，係連小小鹽都唔落，就咁落粉就炸，真係完全唔知食緊咩？個廚師到底有幾求其？先可以整到啲野咁垃圾？個廚師味覺係咪有問題？唔會試下啲野夠唔夠味既？咩都冇味既，求求其其嗱嗱聲咁出哂啲餐， 個餐都未出嚟啲廚師已經趕往出梳化坐玩電話，廚師既質素真係差得可憐，環境衛生差，食物差，仲衰過大家樂！冇下次！