有囍 (已結業)

以呢區黎講，價錢唔算平，亦唔算貴。不過，呢個價錢，我無諗過食啲咁嘅垃圾。所謂嘅辣子蝦其實係避風塘蝦。水煮魚腩難食又多骨。收我一舊水嘅海鮮炒飯淡味到要撈炸蒜食。凍檸茶少冰變左無冰。店員對自己餐牌上面嘅野一啲都唔熟悉。兩個人食嘅咁嘅質素嘅野竟然要5舊幾水埋單堅係大伏！好耐都未試過食到成肚火，亦係第一次嬲到要上黎寫臭佢！之前黎食嘅時候仲係以星馬菜式為主，價錢亦係咁上下，但好食好多。而家一轉中菜... 我唔知平時多唔多人食，不過今日比起其他舖頭都少客。總之，唔會再幫襯