Be Leaf (已結業)

垃圾到，又唔好味又貴，好少餐廳可以做到連嘢飲都咁難飲，水果茶苦嘅都係第一次試，啲嘢食可以做到咩都唔好食！明明個場冇full都逼人得1.5hour食！個龍蝦飯咁貴連基本鮮甜都冇 仲有客先勁喎。平時其他餐廳如果個甜品要等耐啲個員工都會講㗎啦下？落單個陣個舒芙蕾要等半個鐘起碼都講聲啦係唔係啊😅又唔講喎menu又唔寫㗎喎，要個客等都算，食完正餐問佢佢仲要呃話等多1分鐘就可以，last等多咗15分鐘，你會唔會過分咗啲啊！啲員工又掛住吹水，叫又唔聽，舉手又唔理勁啊！連最簡單嘅包你都可以做到咁難食真係唔知你做咩。有個汁係南瓜同橙，完全唔夾㗎喎，你咁都好意思攞出嚟比人食嘅！呢間餐廳真係廢到。完全唔推介去食。性價比極低，過分！