Avenue75

營業中

休息中

今日早收工就同朋友去Happy Hour, 之前有同事介紹過Avenue 75。依度有座位梳化位同半室外既坐位，我們這次坐比較近調酒既位置輕鬆d。餐廳既燈光比較暗，幾適合同幾個朋友傾計談心！因為第一次黎, 店員好細心甘介紹menu既野食同cocktail, 另外講解左牆上既壁畫就係代表左6個地方既特式cocktail。依度除左有平時出面飲開既classic cocktails之外, 調酒師另外因應6個地方既特點去設計左6款特別口味既酒, 聽完介紹之後, 我地叫左Americana同Fiesta。 Americana就係以波本酒做base, 酒味好重, 帶少少苦味, 男士會比較習慣。 Fiesta就好襯女仔, 粉橙色加上藍梅味既奶泡係面, 味道飲落去有少少似木瓜奶甘甜甜地既奶香。除左野飲有特色外, 依間酒吧既小食質素都幾高,黃咖喱蟹肉蒜蓉飽, 蒜蓉包有五片，焗得好香脆, 黃咖喱唔辣好香香料味，入面既蟹肉都算多。 碳燒墨魚柳燒得唔過火, 入口軟熟, 配埋自家香草汁酸酸辣辣好開胃。依度d野食唔貴又, 下次約班朋友過黎試埋其他野食。