影片
更多
2019-07-02
55 瀏覽
蠔灣係一間裝修型格嘅生蠔店，依間分店仲位於尖沙咀呢個中心點，對於我哋呢啲成日要見客嘅呢個真係一個好地方，蠔灣嘅生蠔都係進口唔同國家，佢哋會揀選各國最靚最新鮮嘅生蠔，先會係店舖供應，生蠔種類超過30種，而呢間餐廳除咗生蠔之外，海膽、帶子、地中海紅蝦都非常新鮮我們簡左海鮮拼盤，姐係Make your own seafood platter，咁就可以試吓唔同種類、唔同國家嘅生蠔有什麼分別。呢個海鮮拼盤上枱嘅時候真係好surprise ，店主已經將生蠔由淡至濃排列，只要我們順時針吃就可以！包括honey point ($32/隻) , Lambert($39/隻),Majestic no.1($39/隻),La Perle Noire($39/隻),Masse($33),Gillaedeau($39/隻)排名不分先後生蠔的價錢最平$30最貴$50都有一隻！不同國家產地的生蠔各有他們的特式，但原來由淡至濃呢個方法去食，真係可以使得出有些產地的生蠔比較濃既海水味，有些比較淡水味，而且有些生蠔有甜味，有些非常爽口，所以建議如果是唔知揀邊一種適合自己的話，先向店員查詢！原板海膽配上咸紫菜好鮮甜，cre
我們簡左海鮮拼盤，姐係Make your own seafood platter，咁就可以試吓唔同種類、唔同國家嘅生蠔有什麼分別。
呢個海鮮拼盤上枱嘅時候真係好surprise ，店主已經將生蠔由淡至濃排列，只要我們順時針吃就可以！
包括honey point ($32/隻) , Lambert($39/隻),Majestic no.1($39/隻),La Perle Noire($39/隻),Masse($33),Gillaedeau($39/隻)排名不分先後
生蠔的價錢最平$30最貴$50都有一隻！
不同國家產地的生蠔各有他們的特式，但原來由淡至濃呢個方法去食，真係可以使得出有些產地的生蠔比較濃既海水味，有些比較淡水味，而且有些生蠔有甜味，有些非常爽口，所以建議如果是唔知揀邊一種適合自己的話，先向店員查詢！
原板海膽配上咸紫菜
好鮮甜，creamy，無苦澀味
Red prawns 地中海紅蝦
蝦頭爆黃色蝦膏，肉質既爽又嫩，彈牙
北海道帶子$38
帶子鮮甜，大大粒，好滑！
除咗生食之外，當然要叫一啲熟食試下，個人覺得熱食都非常出色，特別係呢個清酒蒜蓉煮青口 ，青口非常新鮮，雖然每一粒都係細細粒，但係勝在有好多粒，唔會好似大部份青口雖然大粒但係比較難咬，而且飲埋個湯都好鮮
焗西班牙黑毛豬扒
焗黑毛豬扒令到豬扒肉質十分滑，而且淋上松露汁，特別惹味，個表皮有啲似煎嘅感覺，因為表皮比較脆口，店主仲好細心將豬扒切好，可以一條一條食
松露蟹肉意大利飯
呢個意大利飯最面已經可以見到松露，怪唔之得有甘香嘅松露味啦，而且意大利飯飯質軟硬適中，混合新鮮蟹肉喺飯裏面，味道非常濃郁❤️
最後，想評價呢一間餐廳嘅服務亦都非常好，而且又細心介紹生蠔的種類，環境亦都非常舒適，落地玻璃令到餐廳更加開揚，而且性價比非常高，食完之後好快就會有一種想再食嘅感覺
張貼
