影片
更多
2022-06-29
621 瀏覽
好耐冇食過Teppanyaki啦。Cubus呢間山女魚最近好多人推介，一於試下！裝潢貴氣又不失型格，感覺年輕有活力！山女魚分Omakase同鐵板燒兩個areas，兩個areas都劃分清晰，可以感受到兩種截然不同嘅氣氛。食鐵板燒當然要坐喺吧枱，欣賞師傅烹調嘅手勢啦。是晚招待我哋嘅老師傅已經做鐵板燒40多年，經驗豐富，我哋都好期待呢餐呢！鐵板燒二人前晚餐($1980)前菜日式沙律香煎南非鮑魚用上矜貴嘅南非鮑魚，Size超巨型，師傅燒到啱啱好，肉質好腍，鮮味濃郁，配搭鮑魚肝醬，鮮味加倍！我亦都好鍾意食伴碟嘅黃椒，甜甜地，同鮑魚意想不到地配合！鐵板大虎蝦／鵝肝套餐本身係鐵板大虎蝦，但因為我對蝦敏感，所以師傅就貼心地幫我改成鐵板燒鵝肝。鵝肝燒至表面焦脆，內裡軟滑豐腴，配搭黑醋汁及無花果減輕膩感。多士脆卜卜，同軟綿嘅鵝肝一齊食，口感好有對比！朋友嘅大虎蝦好吸引呢！日本帶子燒帶子好厚身，燒至表面金黃，內裡柔軟，食落好有鮮味！底下墊有甜甜嘅紅椒蓉，並以矜貴嘅魚子醬同海膽作點綴，貴氣十足。鐵板白鱈魚魚皮煎到脆卜卜，鱈魚肉則嫩滑油潤，好食！美國牛肉薄燒師傅先將蒜蓉炒香，然後輕煎牛肉數秒，三兩下手勢師傅就用
裝潢貴氣又不失型格，感覺年輕有活力！
山女魚分Omakase同鐵板燒兩個areas，兩個areas都劃分清晰，可以感受到兩種截然不同嘅氣氛。
食鐵板燒當然要坐喺吧枱，欣賞師傅烹調嘅手勢啦。是晚招待我哋嘅老師傅已經做鐵板燒40多年，經驗豐富，我哋都好期待呢餐呢！鐵板燒二人前晚餐($1980)
前菜
日式沙律
香煎南非鮑魚用上矜貴嘅南非鮑魚，Size超巨型，師傅燒到啱啱好，肉質好腍，鮮味濃郁，配搭鮑魚肝醬，鮮味加倍！我亦都好鍾意食伴碟嘅黃椒，甜甜地，同鮑魚意想不到地配合！
鐵板大虎蝦／鵝肝套餐本身係鐵板大虎蝦，但因為我對蝦敏感，所以師傅就貼心地幫我改成鐵板燒鵝肝。鵝肝燒至表面焦脆，內裡軟滑豐腴，配搭黑醋汁及無花果減輕膩感。多士脆卜卜，同軟綿嘅鵝肝一齊食，口感好有對比！
朋友嘅大虎蝦好吸引呢！
日本帶子燒帶子好厚身，燒至表面金黃，內裡柔軟，食落好有鮮味！底下墊有甜甜嘅紅椒蓉，並以矜貴嘅魚子醬同海膽作點綴，貴氣十足。
鐵板白鱈魚魚皮煎到脆卜卜，鱈魚肉則嫩滑油潤，好食！
美國牛肉薄燒師傅先將蒜蓉炒香，然後輕煎牛肉數秒，三兩下手勢師傅就用燒牛肉將香蔥同蒜蓉通通卷起。俐落的推、撥、炒、灑鹽，好一場『表演』。味道同分量都剛剛好，配少少wasabi味道更加提升，食完唔會太飽膩。
時令野菜色彩繽紛，有芽菜，椰菜，金菇，蘿蔔條及青椒等，炒得甚有鑊氣，份量都好足！
炒飯鐵板燒嘅重點當然係炒飯啦！鐵板燒即炒，好有鑊氣。飯粒粒粒分明，每粒飯都沾滿蛋汁同材料，香氣撲鼻！
湯品
甜品
最後送上麵豉湯及雪葩，滿足嘅一餐！
張貼
