邊敘邊醉

營業中

休息中

深水埗起咗好多新樓，新樓樓下都係一啲裝修得好靚嘅食肆，今日黎到呢間新開嘅火鍋店，裝修得非常型格，打卡影相一流餐廳有兩層樓，樓上仲有兩間VIP房，座位以卡位為主，坐得非常闊落，好啱一大班friend過嚟飲酒傾偈✨小食（麻辣青瓜拌木耳）青瓜非常爽脆，麻辣汁唔會太辣，但花椒味十足，木耳同青瓜完全吸收晒醬汁嘅味道，加上花生仲更加惹味✨小食（醉牛𦟌）除咗牛𦟌，仲有牛筋，花雕汁非常濃，牛𦟌同牛筋炆到好炆，吸收晒花雕汁嘅香氣，認真一流✨滋潤花膠螺片鮮雞鍋職員介紹打邊爐🍲前先飲下個湯，湯底非常足料，個湯底加咗花膠，螺片，膠質非常之豐富，好鮮甜好足料，裡面仲半隻雞，雞肉好嫰滑，好似新鮮雞，我哋每人先飲咗兩碗湯，再打邊爐✨牛頸脊牛頸脊嚟到色澤非常鮮紅，好新鮮，口感肥嫩而具彈性✨封門柳封門柳肉質鬆軟，不易變韌，而且牛肉味極為濃郁✨餃子拼盤分別有黑松露鮑魚餃，花雕醉雞餃，黑豚肉，韭菜餃，鮮蝦雲吞，黑松露味好香，鮑魚最矜貴好少地方有得食，雲吞蝦味突出，好鮮甜，韭菜餃好香，我覺得最好食係花雕醉雞餃，充滿花雕汁同雞汁香味，似小籠包嘅造型✨蔬菜拼盤最正係每樣菜都有少少，有皇帝菜，生菜，娃娃菜，金菇，鮮冬菇，粟米🌽，蔬