影片
更多
2019-03-18
578 瀏覽
最近大多宅在家中趕project, 好耐冇同屋企人逛街了，今日趁著冇咁忙， 我地一行四人就出左尖沙咀逛逛，順便諗住食餐好嘅慰勞下自己。 今晚我專程訂了一間想試好耐嘅新派中菜。餐廳在海運中心OTE 區，有無敵大海景， 用上墨綠色雲石設計，佈置得很有格調。我地被安排坐在靠窗嘅位置，穿過戶外位置，同小草坪，對出就是全海景，一坐低屋企人已經掛住攞手機影風景，於是點菜呢啲粗重功夫就落係我身上😜。可能因為下午逛得耐， 所以我地未到餐廳已經很餓😅。Menu菜式選擇好多， 不過好有條理咁分門別類， 而且蝦蟹這類海鮮因有人要戒口所以唔會揀，所以挑起上嚟都唔算難(選擇困難症今晚冇發作)。我地先嚟兩款前菜：法國龍眼蜜煎金蠔，日本百合胡麻拌山藥。小時候媽咪久不久都會整香煎金蠔，但靚嘅金蠔越嚟越難搵，面前呢個金蠔，蠔肚飽滿，色澤很美裙邊又完好無缺，煎香後沾上龍眼蜜，咬落蠔身依然濕潤，好味。日本百合同山藥都好爽甜，山藥因為生食，所以味道較清帶有黏液， 但配上濃郁嘅胡麻醬汁味道就剛剛好。餐廳有道岩鹽48小時慢煮牛肋骨，用慢煮方式烹調嘅肉都會好軟熟，兼保留肉嘅原味， 身為肉食系嘅我就一定唔會錯過啦！牛肋肉嘅顏色色粉嫩
今晚我專程訂了一間想試好耐嘅新派中菜。餐廳在海運中心OTE 區，有無敵大海景， 用上墨綠色雲石設計，佈置得很有格調。我地被安排坐在靠窗嘅位置，穿過戶外位置，同小草坪，對出就是全海景，一坐低屋企人已經掛住攞手機影風景，於是點菜呢啲粗重功夫就落係我身上😜。
可能因為下午逛得耐， 所以我地未到餐廳已經很餓😅。Menu菜式選擇好多， 不過好有條理咁分門別類， 而且蝦蟹這類海鮮因有人要戒口所以唔會揀，所以挑起上嚟都唔算難(選擇困難症今晚冇發作)。
我地先嚟兩款前菜：法國龍眼蜜煎金蠔，日本百合胡麻拌山藥。
小時候媽咪久不久都會整香煎金蠔，但靚嘅金蠔越嚟越難搵，面前呢個金蠔，蠔肚飽滿，色澤很美裙邊又完好無缺，煎香後沾上龍眼蜜，咬落蠔身依然濕潤，好味。
日本百合同山藥都好爽甜，山藥因為生食，所以味道較清帶有黏液， 但配上濃郁嘅胡麻醬汁味道就剛剛好。
餐廳有道岩鹽48小時慢煮牛肋骨，用慢煮方式烹調嘅肉都會好軟熟，兼保留肉嘅原味， 身為肉食系嘅我就一定唔會錯過啦！牛肋肉嘅顏色色粉嫩，輕沾岩鹽，能更帶出肉本身嘅鮮味，而慢煮令肉質好似綿花糖咁嘅口感呢。
弟妹鍾意吃魚，所以我就點了柚子黑鱈魚件，其實黑鱈魚並唔係鱈魚嚟， 佢係比鱈魚身價高好多嘅北極深海魚， 肉質特別鮮嫩，魚件炸得皮脆肉嫩，配上酸甜嘅柚子，唔吃魚嘅我都覺得好好味。
吃了兩道暈菜都差不多了， 跟住我就點左三道素菜，能賞味之餘又唔怕滯膩。
黑虎掌京燒板豆腐，黑虎掌有保益氣血，幫助排毒嘅養顏功效，黑虎掌帶有微香，香氣比日本花菇仲要重一點，用嚟炆煮嫩滑嘅板豆腐，整道菜都好融和好滋陰。
薑糖芥蘭，芥蘭削皮用薑、糖清煮，爽脆帶淡淡薑絲香味，唔錯。
日本南瓜燉蛋白，我只能說是一道好滑好滑嘅菜，希望食完我啲皮膚都會咁滑啦。
最後點了一份主食，黑豚义燒松露撈生麵，因為我喜歡松露嘅香味，加上义燒絲，生麵用左粗麵比較易掛汁，上枱後先當下刨黑松露片，松露香氣撲鼻。
我訂餐廳時看了menu, 當時已經對佢地嘅甜品 好期待，因為每樣都好精緻，擺盤好靚，好有西式甜品嗰種執著細緻的感覺。平時吃中菜到甜品我可能只會點一兩樣嚐嚐就算，但今晚我就建議要每人選一款。
腐竹慕絲配山莓啫哩，mousse腐竹味濃，好似固化左嘅腐竹糖水，山莓啫喱酸甜味突出，底下塾上的一條酥餅條好香脆。
好立克慕絲配杏仁餅，杏仁餅以真身上場，但隨即就會被壓碎成粉末，好似木糠布丁咁舖上好立克mousse面，講真，食落真係似食木糠布丁，不過杏仁餅味道更香，唔知係咪澳門嚟嘅呢：p
茉莉花茶味意式奶凍，用茉莉花茶做成嘅啫喱舖在奶凍上， 茉莉花茶嘅清香非常突出，奶凍夠滑。
杏汁木瓜燉雪連子因為製作需時，所以要等左十幾分鐘先到，迷你木瓜原個上，裡面fill滿香濃杏汁，加埋含豐富骨膠原蛋白嘅雪蓮子，係一道好養顏美白嘅甜品。
今晚難得品嚐真正做到色、香、味、型俱全的精緻中菜❤️， 菜式式樣又豐富，還贈送無敵大海景，夫復何求呢！食完覺得自己個人都優雅左🤭
張貼
