一樂燒鵝

營業中

休息中

以前會走來買全隻未切嘅燒鵝番屋企一家用手食，好暢快。琴日1点行過已經見到好多燒鵝頸同只剩返半隻燒鵝+ 豉油雞白切雞各一掛係度，心諗：咩咁早賣晒？ 埋去話買半隻燒鵝，價值三百幾蚊（只有半隻！）点知到屋企開來食，除咗4-5舊胸外，全部係骨，個肶瘦到好埃塞俄比亞咁，啲肉又硬又薄，其實諗諗吓都唔知嗰啲鵝頸係咪道具，其實而家已經冇生意，點會lunch time 1点入面得一枱有人，但係又賣咗咁多隻？（註：鵝頸掛係度即當日己經賣出的燒鵝數目）又冇人係門口買外賣？！ 😡🥺 其實而家市度咁差，生意難做，但做外賣既都還可以，点解唔好好地做，要咁樣又貴又呃人，做人客嘅咁多選擇，更加唔會幫襯你，咁就真係等執。出面其實而家好多燒鵝都好靚，又唔洗呢個價錢，以後真係唔會再幫襯。