八蠔吧 (已搬遷) 新店位置

生蠔既鮮味往往令人回味無窮！香港身為美食天堂，食生蠔既地方都唔少，但真正物有所值既認真唔多。呢度唔係第一次嚟，但如果果餐想食生蠔既話，無可置疑八蠔吧絕對係no. 1首選！店內座位唔多，好彩一早book定位，如果唔係就冇得食喇因為當晚都full house。生蠔選擇其實唔算多，每晚大概三至五款，但全部都係老闆根據當日精心挑選既，貴精不貴多吖嘛。講真啲蠔每隻價錢比起出面唔算平，不過實在係新鮮，絕對值回票價，做人梗係要對自己好啲啦！除左生蠔之外，呢度啲熱盤都唔差。當晚開左枝Chablis，配蠔一流，Cheers~~