桔梗 (已結業)

去旺角搵嘢食，人多車多，有時都好難搵到一間坐得耐嘅餐廳，或者咁樣講，坐得耐嘅餐廳都唔係好大通常都係樓上鋪。但係桔梗有大又靚，做得又舒服。餐牌上嘅食物都係超級好食，而且份量來講可以話係好大件，而且食物質素好好，全部都好好味。可以見得出廚師其實好用心咁煮，同埋上碟都好用心咁放。好欣賞整間餐廳嘅佈置同埋配套。我嗰日都坐兩個幾鐘，又可以食到野又可以坐喺度慢慢思考，做一個偽文青都唔錯。最後仲叫咗杯咖啡，發覺原來最基本嘅咖啡已經好好飲，真係物有所值甚至物超所值。