影片
更多
2024-11-21
590 瀏覽
📍 火土燒肉 Hearth Yakiniku by ATUM尖沙咀河內道18號K11購物藝術館3樓314號舖近排返工真係忙到飛起，朋友知道後想好好慰勞下我，於是事先book定一間近來人氣高企嘅日式燒肉店—火土燒肉，希望好氛圍、好嘢食可以令我心情變好。我一向都鍾情食日式燒肉，但無估到呢間餐廳可以將我對日式燒肉嘅喜愛再加多幾分！主要係因為環境令人好投入，坐喺八角形嘅矮櫈、坐住露營凳仔、用露營餐具器皿用餐，真係非常獨特嘅體驗。餐廳有推出二人套餐，有齊前菜主食飲品等，都好經濟實惠，不過單點餐牌有更高自由度，所以今次一於先單點試試，下次再嚟幫襯佢嘅套餐。 💰$48月見醬燒飯糰 🍙醬燒飯糰上碟時已燒至可即食狀態，所以唔洗再落爐燒，飯糰表面燒得焦香，口感半脆半煙韌，醬汁濃厚，刺穿蛋黃沾住食，真係好開胃！ 💰$82月見雞肉棒 🍢免治雞肉棒係日本串燒嘅招牌菜，但喺燒肉店食，就真係第一次見。雞肉棒需要落爐燒至金黃，再沾配蛋黃同照燒汁，至還原至正式日本風味嘅雞肉棒！雞肉棒帶有雞軟骨口感，即燒做至外脆內嫩，再配埋蛋黃同醬汁，果然無得輸。 💰$368豬雞特選拼盤 🍱拼盤有六款不同部位嘅豬肉同雞肉，分別有三款豬肉
尖沙咀河內道18號K11購物藝術館3樓314號舖
近排返工真係忙到飛起，朋友知道後想好好慰勞下我，於是事先book定一間近來人氣高企嘅日式燒肉店—火土燒肉，希望好氛圍、好嘢食可以令我心情變好。我一向都鍾情食日式燒肉，但無估到呢間餐廳可以將我對日式燒肉嘅喜愛再加多幾分！主要係因為環境令人好投入，坐喺八角形嘅矮櫈、坐住露營凳仔、用露營餐具器皿用餐，真係非常獨特嘅體驗。
餐廳有推出二人套餐，有齊前菜主食飲品等，都好經濟實惠，不過單點餐牌有更高自由度，所以今次一於先單點試試，下次再嚟幫襯佢嘅套餐。
[價錢 Price]
💰$48
月見醬燒飯糰 🍙
醬燒飯糰上碟時已燒至可即食狀態，所以唔洗再落爐燒，飯糰表面燒得焦香，口感半脆半煙韌，醬汁濃厚，刺穿蛋黃沾住食，真係好開胃！
[價錢 Price]
💰$82
月見雞肉棒 🍢
免治雞肉棒係日本串燒嘅招牌菜，但喺燒肉店食，就真係第一次見。雞肉棒需要落爐燒至金黃，再沾配蛋黃同照燒汁，至還原至正式日本風味嘅雞肉棒！雞肉棒帶有雞軟骨口感，即燒做至外脆內嫩，再配埋蛋黃同醬汁，果然無得輸。
[價錢 Price]
💰$368
豬雞特選拼盤 🍱
拼盤有六款不同部位嘅豬肉同雞肉，分別有三款豬肉：伊比利亞豬肋條、豚五花、松阪豬頸肉；三款雞肉：雞胸軟骨、雞腿肉、鷄翼，每款口感都各有千秋，燒嘅所需時間都不一，大家可按喜歡嘅程度燒唔同部位嘅肉。我自己就最鍾意豚五花，當燒至兩邊金黃焦香後，脂肪近乎入口即化，仲可以沾少許燒肉汁或紅酒汁調味，油滋滋，超好味！
[價錢 Price]
💰$88
醬油帆立貝 🐚
醬油汁浸住三大隻新鮮帆立貝，以錫紙兜呈上，方便成個直接燒。帆立貝肥美，口感鮮嫩，配上有牛油香嘅醬油，啖啖鮮味，令人難忘。溫馨提示，記住帆立貝唔洗燒太耐，免得燒到老晒呀！
[價錢 Price]
💰$88
松葉蟹肉蟹膏拌飯 🦀
松葉蟹肉蟹膏拌飯相當足料，有大量蟹肉絲，蟹膏亦俾得唔手軟，飯面仲有赤鵪鶉蛋黃點綴，賣相一流！店員推介先放喺爐上燒6至8分鐘，攪拌後再燒一陣，就可以食到蟹味濃香，又帶有飯焦嘅bibimbap。
[價錢 Price]
💰$98
開心果雪山冰 🗻
要令心情大好，食開心果甜品就實無衰！唔好以為冰點味道會好淡口，如果好似火土咁高質嘅餐廳，真係可以將冰點都做得好出色！開心果碎係呢個甜品嘅重點，除咗增加口感之外，香脆嘅開心果碎令整個甜品嘅開心果味更上層樓。雪山冰份量唔細，兩個人食都有少少吃力，多幾個人食就多幾份快樂，絕對值回票價。
張貼
