和食快餐

營業中

休息中

老闆堅係日本人，娶咗個港女移居香港，無選擇開靚裝日本餐廳，反應開咗間咁市井咁貼地嘅店。三字頭有個飯或拉麵，+$2仲有冷熱飲品，仲有學生優惠，所以好得學生哥歡心。試咗下午茶雞扒拉麵，雞扒切成像日式叉燒的樣子。雖然店細細，卻有三款湯底供選擇，東京醬油、九州豬骨湯同札幌麵豉，呢種仔細的確與別不同。一分錢一分貨，三十幾蚊一個麵嘅味道的確好難同拉麵店成百蚊個麵比較，配料也只能有條假得無可再假的假蟹柳同幾片椰菜。豬骨湯底和麵的軟硬度也控制得不錯。另加配了加州卷，與市面見到的不同，呢度個加州卷好家常，內裏包着蛋、蟹柳和菇，配色沒有很吸引，也有點散。第二次幫襯叫了店中貴嘢鰻魚飯，$58，好快上枱，鰻魚溫熱，幾肥美，燒得香口。自助可以任鰻魚汁，但自己覺得加室溫的鰻魚汁會破壞了原本鰻魚飯的溫度，還是食返原本的好。