NUTTEA (旺角中心第一座) (已結業)

香港大部分嘅茶飲飲品又甜又容易致肥，所以我對呢啲杯裝飲品真係又愛又恨㗎，特別係有時口痕起上黎又真係好難忍㗎。不過依家唔使忍得咁辛苦啦，原來台灣過江龍nuttea係香港有多間分店，九龍，新界區都有，仲要係主打純素堅果奶茶同堅果奶蓋，不加牛奶和奶精，注重健康人士都啱飲㗎。今次黎到旺角中心位置，方便易揾。蘋果脆脆楓糖堅果奶蓋茶跟住飲品蓋嘅指示，先試下堅果奶蓋，果然好綿密，有淡淡嘅堅果味，仲有脆脆，唔同質感，反差效果更突出。跟著攪拌奶蓋同茶，茶香唔錯，仲有清甜蘋果味，好醒胃。火龍果堅果奶喝一口，已經感到堅果嘅味道，比普通杏仁奶味更豐富。火龍果味唔會太甜，兩者mix埋嘅味道好清新，唔會太飽膩，好喜歡呢個味道。依家nuttea仲會捐助流浪貓貓，咁有意義，絕對係一個更好嘅原因光顧多幾次啦。