影片
更多
2023-04-22
269 瀏覽
食完晚飯，當然要去搵甜品😋本來想去食waffle，不過已經截單😩於是去返好耐以前食過嘅一間甜品店。甜品店有最低消費，每人要叫一份甜品。入座之前，職員會派一份Menu俾客人自己拎埋位😂成個甜品店樓面只有一個職員走全場，帶位、落單、收錢、執枱都係佢，做到燥底，所以態度都麻麻🥶隔離枱仲好似出錯甜品🫣難得我哋全部都食榴槤，其中一個朋友，仲要全屋企得佢一個食，平時無得食😂機會難得，即刻叫咗啲榴槤甜品😏榴金歲月 ($59)同平時嗰啲唔係好一樣🤔其他地方通常係西米露底，哩度係用芒果糖水底，味道係楊枝金露，再加榴槤，好奇怪😕唔推薦🙅🏻♀️榴槤飄香忌廉泡芙窩夫 ($84)Durian x cream puff x waffle甜品賣相好靚，配埋乳酪雪糕🍦窩夫脆口，唔會好乾。糖漿另上，要幾多落幾多。不過有奶霜同雪糕，唔落糖漿都已經好好食。我覺得每樣嘢獨立分別都好食，但放埋一齊就唔係好夾😅尤其係個乳酪雪糕好雪好酸，同榴槤味唔係好夾😅積及橙心 配乳酪雪糕 ($64)Orangee Choco Lava Vocako遠遠已經聞到好香嘅橙味，一樣配乳酪雪糕，賣相靚仔。我覺得三個甜品入面，哩個係最好食嘅一個。甜品店
本來想去食waffle，不過已經截單😩
於是去返好耐以前食過嘅一間甜品店。
甜品店有最低消費，每人要叫一份甜品。
入座之前，職員會派一份Menu俾客人自己拎埋位😂
成個甜品店樓面只有一個職員走全場，帶位、落單、收錢、執枱都係佢，做到燥底，所以態度都麻麻🥶
隔離枱仲好似出錯甜品🫣
難得我哋全部都食榴槤，其中一個朋友，仲要全屋企得佢一個食，平時無得食😂
機會難得，即刻叫咗啲榴槤甜品😏
榴金歲月 ($59)
同平時嗰啲唔係好一樣🤔
其他地方通常係西米露底，哩度係用芒果糖水底，味道係楊枝金露，再加榴槤，好奇怪😕
唔推薦🙅🏻♀️
榴槤飄香忌廉泡芙窩夫 ($84)
Durian x cream puff x waffle
甜品賣相好靚，配埋乳酪雪糕🍦
窩夫脆口，唔會好乾。
糖漿另上，要幾多落幾多。
不過有奶霜同雪糕，唔落糖漿都已經好好食。
我覺得每樣嘢獨立分別都好食，但放埋一齊就唔係好夾😅
尤其係個乳酪雪糕好雪好酸，同榴槤味唔係好夾😅
積及橙心 配乳酪雪糕 ($64)
Orangee Choco Lava Vocako
遠遠已經聞到好香嘅橙味，一樣配乳酪雪糕，賣相靚仔。
我覺得三個甜品入面，哩個係最好食嘅一個。
甜品店感覺退步好多，無論味道同服務都退步好多。有一個客人拎咗一個好大嘅背囊，食到中途，個背囊跌落地，職員呼喝個客人即刻執返😅
唔知道甜品店有冇轉手，但印象中鋪頭名冇轉。
應該下次唔會再食啦，埋單三個人成$200，唔抵食，而且係唔好食😟
張貼
