Classy Le Carré

營業中

休息中

鍾意發掘港島美食，睇介紹話堅尼地城有間 Cafe 主打抵食法國菜 Fusion 菜，仲鄰近堅尼地城海傍。雖然地方唔大，不過整體裝修幾典雅，聽講日頭嚟食法式全日早餐好正，但放工已經夜就想食”晚餐”多啲😅。飲品方面店員推薦佢地精品朱古力同 cocktail ，再試性價比高法國料理，餐前先上配以牛油果醬同蒜蓉牛油嘅南瓜籽包、無花果醬包同五穀包。➽ 時令新鮮海魚柳，煎烤到金黃色嘅大廚精選魚柳，結合香草檸檬忌廉汁、以炸牛蒡同埋處理去苦嘅”苦白菜”做伴碟，食落去鮮嫩而且魚鮮味美。➽ 法國膏蟹配意大利飯 (黑醋醬)，再試佢地呢一款招牌菜，以意大利飯為基底，搭配鮮味的法國膏蟹，蟹肉係空運到港再新鮮拆肉，伴黑醋醬令到口感豐富，濃郁蟹味令人回味無窮。➽ 招牌打卡雞尾酒「Alice in Wonderland」，雞尾酒以芒果、百香果浸泡的朗姆酒和菠蘿為主要成分，口感清爽，好 fresh➽ TADOKA 53% 纯天然精練雲尼拿拼配牛奶朱古力 ，帶有濃郁牛奶朱古力同雲呢拿味道，口感順滑。佢地用嘅雲呢拿來自馬達加斯加同巴布亞新幾內亞混合而做出獨特香氣完美融合。