素菲亞 (安發大廈) (已結業)

呢排食左咁多好野，係時候要食下素，健康啲。最近先知原來堅尼地城有一間素食嘅餐廳，我竟然一路都未試過，所以今次就同朋友特登過嚟食啦。野菌忌廉湯+$18呢碗係是日餐湯，味道好濃郁，入口幼滑creamy而又有好多野菌碎，好味。鬼馬肉醬意粉$98鬼馬嘅原因係佢唔係用左豬肉碎，而係用左omnipork。但食落同真嘅豬肉好似，唔講都唔知原來係素豬肉。同埋呢個肉醬意粉比起平時嗰啲唔同嘅係佢有幾重嘅香料味，聞落去同埋食落去都比起平時嗰啲惹味好多，食唔停口。黑松露野菌闊條麵$118闊條麵口感唔錯，煮得幾彈牙。黑松露味道都幾濃郁，配埋為數不少嘅野菌粒，食完都好飽。諾曼第蘋果撻+$38呢款蘋果撻好特別，食落會有少少蛋香，又唔會好甜，配埋清甜嘅蘋果片，幾值得一試。薑母茶薑味濃郁，不過唔會太辣，飲落好暖胃養生。青蘋果茉莉綠茶呢杯好好飲，唔會好甜，飲落好清香，我幾鍾意。