影片
更多
2022-10-06
3651 瀏覽
又要前文提要吓先，由於同老婆入咗嚟將軍澳嘅「九龍東智選假日酒店」宅渡假，整個套票包入住當日自助午餐、標準客房、免費借用單車及翌日自助早餐（$1,100+10%），都算抵玩。前文就分享咗個自助午餐，依篇就講講個自助早餐，享用地點都喺晌番對面「九龍東皇冠假日酒店」嘅「尚廚」。噚日自助午餐嘅入座率就可以講空前盛況咁，目測都有9乘滿，而今朝（喺星期六嚟），可能時間尚早，才7:30am左右，成間餐廳暫得幾枱客，環氣氛變得較清靜，點坐都得，當然揀番個窗口位啦，加上高樓底環境，悠閒舒服。自助早餐唔知收幾錢位，而確認信亦話只喺「simple breakfast buffet」，睇過啲食評都知唔會好多嘢食，所以，可能打咗底，以早餐計，選擇都唔少，又覺得OK喎。不過，好老實，跟之前同樣喺宅渡假時包早餐嘅酒店比較，如「黃金海岸」、「帝逸」、「富諾特東薈城」，呢度確喺明顯低一、兩班。但既來之，則安之，事事比較亦意義唔大，反正，食得幾多吖，夠食、啱食咪OK囉。飲品區對比噚日午餐，除咗種類選擇少咗，每個種類嘅款式亦無咁多，就以飲品為例，主要就喺茶啡同橙汁，再有啲檸檬片沖吓檸水、檸茶。先一杯橙汁配沙律，之後就再一杯
噚日自助午餐嘅入座率就可以講空前盛況咁，目測都有9乘滿，而今朝（喺星期六嚟），可能時間尚早，才7:30am左右，成間餐廳暫得幾枱客，環氣氛變得較清靜，點坐都得，當然揀番個窗口位啦，加上高樓底環境，悠閒舒服。
自助早餐唔知收幾錢位，而確認信亦話只喺「simple breakfast buffet」，睇過啲食評都知唔會好多嘢食，所以，可能打咗底，以早餐計，選擇都唔少，又覺得OK喎。不過，好老實，跟之前同樣喺宅渡假時包早餐嘅酒店比較，如「黃金海岸」、「帝逸」、「富諾特東薈城」，呢度確喺明顯低一、兩班。但既來之，則安之，事事比較亦意義唔大，反正，食得幾多吖，夠食、啱食咪OK囉。
飲品區對比噚日午餐，除咗種類選擇少咗，每個種類嘅款式亦無咁多，就以飲品為例，主要就喺茶啡同橙汁，再有啲檸檬片沖吓檸水、檸茶。先一杯橙汁配沙律，之後就再一杯咖啡襯我嘅DIY全日早餐，哈哈。
沙律吧、生果、粟米片呢幾類喺自助早餐嘅必然種類，沙律吧就只有2款沙律菜、8款配料、3款醬，話多唔多，話少亦叫OK，而生果喺得兩款，粟米片就無試，反而見有啲乳酪，就唔錯過。
通常第一轉會先食啲開胃嘢，所以，先嚟一碟拼盤，沙律吧有嘅食材都樣樣要啲，再淋上隻意大利汁，另外加啲生果同乳酪，一份健康嘅「前菜」就此誕生。真喺喺食自助餐先會咁，啲食材都算新鮮，沙律菜入嗉嗦聲，隻汁醬亦好醒胃，生果夠晒甜，最緊要喺夠健康。
烘焙、熱盤、粥品再行過少少，有烘麵包機，亦有個暖櫃放咗少少牛角酥、丹麥酥，而熱盤呢？款式比較偏向西式啲，如薯蓉、炒滑蛋、茄汁豆……等等，再加啲炒飯、甘筍粥……等，就唔會好似午餐咁，有啲即煮麵檔、粥檔。果然喺「simple」，不時晌自助早餐都有嘅粉麵、點心、煙肉……，甚或甜品，都唔見有。
點都好，總之左砌右搭，都砌咗一整碟，都有啲似一份「全日早餐」。啲牛角包、丹麥酥都幾好食，鬆軟富牛油香，薯蓉又打得幾柔滑。質素上，突出就唔突出，勝在平平穩穩，無咩大問題。
整體嚟講，選擇確喺少咗啲，但啲嘢食質素都叫OK，況且，以一般人而言，早餐都唔會食太多，簡簡單單填飽肚。
張貼
