影片
更多
2009-03-23
22 瀏覽
22-3-2009前一日0係江川食到扁嘴, 呢日的銅記 lunch 決定再拉朋友到日本餐廳, 填補「味覺陰影」XD 而揀呢間, 就主要因為佢的 lunch menu 價錢比樓上樓下平易近人得多 大家都揀了「每日精選」壽司定食 ($98, 跟前菜, 麵豉湯及甜品):-前菜係木魚汁菠菜, 味道清爽帶甜, 幾好的開始.麵豉湯味道淡淡的, 粒粒豆腐唔夠滑溜, 賣相亦帶點「岩岩 chaam chaam」, 加上用拉麵碗 / 丼一樣大的碗 serve, 整體印象怪怪的.10 款壽司就(又)以三文魚籽最樣衰, 紫菜「爆裂」的!!! 不過三文魚籽鹹鮮度十足, 咁多款當中佢叫做最好食; 甜蝦都不錯, 賣相晶瑩, 夠甜夠鮮; 除0左無食的三文魚之外, 其他的有池魚, 帶子, 赤身, 玉子, (魚立)魚, 另一不知名魚及鐵火卷, 新鮮度 ok, 味道就普通, 不過考慮到佢未加一只售 $98, 算交足功課了.- 不過令人最印象深刻的, 係壽司飯內的 wasabi -- 賣相有點「牙膏」, 本身就幾香的, 不過師傅都捽得好重手0下, 每一件食落都好啃, 乜鼻塞都通晒! 甜品係一 scoop 柚子刨冰, 0
前一日0係江川食到扁嘴, 呢日的銅記 lunch 決定再拉朋友到日本餐廳, 填補「味覺陰影」XD 而揀呢間, 就主要因為佢的 lunch menu 價錢比樓上樓下平易近人得多
大家都揀了「每日精選」壽司定食 ($98, 跟前菜, 麵豉湯及甜品):-
前菜係木魚汁菠菜, 味道清爽帶甜, 幾好的開始.
麵豉湯味道淡淡的, 粒粒豆腐唔夠滑溜, 賣相亦帶點「岩岩 chaam chaam」, 加上用拉麵碗 / 丼一樣大的碗 serve, 整體印象怪怪的.
10 款壽司就(又)以三文魚籽最樣衰, 紫菜「爆裂」的!!! 不過三文魚籽鹹鮮度十足, 咁多款當中佢叫做最好食; 甜蝦都不錯, 賣相晶瑩, 夠甜夠鮮; 除0左無食的三文魚之外, 其他的有池魚, 帶子, 赤身, 玉子, (魚立)魚, 另一不知名魚及鐵火卷, 新鮮度 ok, 味道就普通, 不過考慮到佢未加一只售 $98, 算交足功課了.
- 不過令人最印象深刻的, 係壽司飯內的 wasabi -- 賣相有點「牙膏」, 本身就幾香的, 不過師傅都捽得好重手0下, 每一件食落都好啃, 乜鼻塞都通晒!
甜品係一 scoop 柚子刨冰, 0係咁悸焗0既天氣下食一杯, 夠晒清新舒服.
食物 ok, 環境衛生及服務亦合乎一間 proper 日本餐廳的規格, 幾舒服的一個地方.
連加一每人約 $110, 可以一試, 不過我更期待上 6 樓及 10 樓, 食埋先決定返唔返 5 樓呢間吧.
張貼
