The Night Market (士丹利街) (已結業)

原先想去JAR，不過full house，行落小小黎左呢左大廈睇下有咩食，唔想食日餐之下，揀左呢間Night Market。間野幾威水，有兩層，睇黎幾好生意。去第一層無位，上多層先有位，奇怪點解下面果層唔話我知上面有位，純粹同我講冇位，要我自己上多層問有冇位。廢話講完，最緊要有位開餐。食台式野，本menu幾靚，幾特別。都係食d大路野，牛肉麵，鹽酥雞，花枝丸加埋個釀豆腐，兩個人，應該差唔多。牛肉麵，先講湯，好似多左d，多到蓋過大部份牛肉，飲落還算濃郁，如果有d辣味應該更可口。牛肉軟腍，仲有筋，還可以。麵係楊春麵，夠爽口。鹽酥雞，有幾濃郁既椒鹽味同埋鹹香味，夠哂惹味香口。花枝丸，幾彈牙，不過食唔到花枝丸既爽甜，只有面頭既脆。釀豆腐，食完幾樣炸野之後，清清地既一款，豆腐釀有魚肉，食落還不錯。粉圓冬瓜茶，似少甜版貢茶既冬瓜茶。食物整體好普通，服務環境還可以。