The Night Market (士丹利街) (已結業)

今次去咗中環嘅Night Market 食台灣嘢，裝修走簡潔型格路線，全塲好清靜，只開咗6樓，話9:30閂門，但9:00已經冇晒人😅不過就食得好舒服👍🏻食物方面招牌牛肉麵$108 - 分量大，分到五小碗，味道好好，好多其他地方嘅牛肉麵都會偏鹹，但我同朋友就覺得呢度嘅牛肉麵質素高，鹹度啱啱好，朋友最後連湯都飲埋😂，大推👍🏻鳳梨咕嚕肉$92 - 咕嚕肉做到外脆內軟黑醬油炒飯$98 - 食落口食到一粒粒，唔會黐埋一舊新竹炒米粉$92 - 味道一般，不過就好大碟台灣豆醬炒A菜 $78 - 火氣夠鹽酥花枝丸$62 - 新鮮熱辣炸出來，好食西瓜紅莓果茶$42 - 雖然入邊都有新鮮西瓜肉，但係始終有假甜味

已個多月沒有到中環，多少有點懷念在該區的點滴。朋友說現在因為疫情，午膳時等位的情況已不及以往般墟冚，等位容易了，選擇也多了，所以到The Night Market也不用等位，餐廳分兩層，七樓較靜，燈飾較特別。午餐選擇算多，因為在中環核心，價格不會是一般街坊價。我要了乾煸四季豆，朋友要了宮保蝦球。兩個主菜都可以選白飯或鹵肉飯，再有三個配菜及半隻煙燻蛋，加上一杯飲品。可能實在太開心，食物也變得更美味，煙燻蛋入口即溶，麻辣雲耳超惹味；話梅拍青瓜非常入味；小菇加入蟲草花，很有口感。乾煸四季豆味道適中，送飯一流。朋友要的宮保蝦，夠彈口。整體來說，午餐的份量十足，夠飽。疫情下的午餐，好處是不用被趕，可以好好享受這難得的休息。

能夠將台灣夜市最輝煌既畫面投放係夜中環裡，不得不佩服「The Night Market」既創辦人Allen Lin。傳統細緻既裝潢瞬間令我諗起在台灣既小時光，體驗一份住家既感覺，有陣時食野就係唔一定要追求奢華食材，反而係一份味道，生活既寫照。由呢一分鐘開始，我地細味一下真正地道既台灣風味！👇📌肉 之 料 理 -▪ 招 牌 三 杯 雞 - $98▫ 三杯雞乃係最得意既菜式之一，上枱果陣已經聞到香，尤其是功不可沒既九層塔，大大提升惹味感。而雞件份量夠多，表面沾滿麻油、醬油，甜度岩岩好而肉質夠爽嫩，相當好食。▪ 脆 皮 豬 扒 - $92▫ 以台式炸法既無骨豬扒，表面乾身但裡面帶微微脆口，咬落質感嫩滑實在；而且外層厚切，入口特別滿足，用黎送飯認真一流。📌田 園 蔬 食 -▪ 台 灣 豆 醬 炒A菜 - $78▫ 細個唔知咩係A菜，大個左走轉台灣先知原來係當地既特色小炒，表面睇其實有少少似油麥菜，實則食落口感更加爽脆，味道清甜；而師傅亦炒得好有鑊氣，但同時唔會太油膩，健康得黎又好味，唔錯。📌滿 日 x the night market –▪ 濃 茄 美 牛 湯 麵 - $68▫ 而Night

佢個三杯雞餐真係好大份呀！！！每份lunch仲會有3份小食，次次都唔同，通常口味都唔一樣係有誠意ge！！而跟餐的飲品都唔hea，有好多選擇呀！因為呢珍奶同d特飲都唔洗加錢架︿︿！！！水果茶好好飲同埋好靚！！可以少冰但係冇得走甜，因為本身生果有甜味但係可以叫走糖水～大大夠雞食極都有，個飯上面有少少肉燥，仲有半隻蛋tim，不過今次個強就唔夠溏心hahaaaa！！！

型格台灣菜😚係香港食台灣菜好多時都以小店為主！想坐得舒服d，同朋友傾吓偈，呢間餐廳環境唔錯就岩哂啦😋招牌三杯雞 $98/////雞肉好嫩滑，好似雞髀肉，大大舊啖啖肉🤩醬汁充滿香葉味道，唔會過濃過咸！石窩令到雞皮變得香脆，越食越滋味呀😍古早滷肉飯 $62/////係香港食滷肉飯好難同台灣既比🤭始終無台灣果種味道🤔滷肉分量好足，肥瘦適中👌🏻 夜市鹽酥雞 $62/////台灣菜必備🤗香脆！Juicy！

I ordered a beef noddle via online dining platform today , and this is what I got!I don’t think I need to describe in details about how gross it was! The soup was cold, the beef hard and the noodles tasted expired food!I was absolutely shocked and terrified over the fact that this was the food quality of a restaurant that’s got several franchise and located in the most expensive parts of hk. And it costed 100hkd!!Don’t ever eat/order from here!!!

約咗朋友happy hour，出發之前，一齊食少少嘢先。朋友喺附近返工，知道有間台灣嘢唔錯，帶我去試試。環境走優雅路線，裝修有特色。⭐️台式紅麴肉 $92有冇人同我一樣好鐘意食肥豬肉？如果鐘意食肥豬肉，呢個可以話係必叫菜式！紅麴肉係台灣經典傳統料理，五花腩肉用紅麴作為調味，再油炸。外層香脆，五花腩肥瘦相間，食落鬆化唔油膩。⭐️乾煸四季豆 $85有鑊氣而且好濃味，四季豆爽脆，咸香十足，好惹味！餸飯一流。⭐️醬油炒飯 $98炒飯過後仍保持濕潤唔乾身，醬油味香濃，份量多，仲好足料。甜品選擇都唔少，望落亦十分吸引，今次食得太飽，下次嚟要試下！

The Night Market一直是朋友喜愛的台式餐廳之一，它的小食和主食表現亮眼，朋友總會忍不住點一大堆，面對豐富的美食，怎會不滿足。香炸蚵仔酥所選用的蚵仔顆顆肥美，且現點現炸，上桌時熱呼呼。香炸蚵仔酥外層酥香，配上軟嫩的蚵仔，單吃已很不錯，若想蚵仔酥有另一番風味，可沾點旁邊的醬汁提味。招牌牛肉麵這麼大的一碗是不是超化算? 湯頭牛味濃郁，混入酸香的酸菜更加開胃，麵條彈牙帶嚼勁，牛肉煮得軟腍，牛筋滑彈富膠質，嚼感蠻不賴。乾煸四季豆乃是熱門小食之一，四季豆亳不油膩，口感脆嫩，混搭滿滿的鹹香肉碎品味，無窮滋味，乾煸四季豆絕對是一道下飯好菜式。接著是招牌三杯雞時間，三杯雞香氣四溢，光聞已口水直流。招牌三杯雞在熱窩滋滋作響，雞皮香脆，雞肉肉質細嫩，爆香的蒜頭，金不換的郁香與雞件融合，入味無比。喜歡養生飲品的友人是晚選喝檸檬薑蜜，茶壺內的薑片和檸檬片加熱後釋出天然微辣酸香，遇上甜滋滋的蜜糖變得溫潤滋養，朋友喝畢喉嚨舒暢了不少我對酷果茶飲最感興趣，既有水果吃，又有茶喝，蜜瓜綠茶最得我心。翠綠的蜜瓜綠茶冰涼解渴，綠茶的回甘碰到蜜瓜的清甜，入口清新細膩，妙不可言。

真實環境比相見到嘅幽暗唯獨係每張枱中間有燈光（啱晒打卡）可以慶祝生日、紀念日早排經歷完便秘，而家出街必食菜，來到台灣餐廳叫咗碟台灣A菜（$78）平時阿媽都有煮呢隻菜，但唔記得喺香港叫咩名呢用豆醬炒，有咸香味古早魯肉飯（$62）2個人分，係慢煮架，啲肉汁鎖住，有傳說中古早嘅味道呀～蚵仔煎食得多，呢度都有，不過見到有蚵仔酥（$78）幾特別，炸得好香脆，裡面嘅蠔又夠滑，點埋個茄醬又辣辣地，十分惹味三杯雞係呢間嘅招牌菜式（$98）即叫即整，熱騰騰，雞肉比一般食開嘅甜啲，都有好多件肉來到台式餐廳，點少得飲台式飲品🥰同朋友一人一杯茉香珍珠奶茶，都係微甜，已經夠味！

又到收工時間去食個Tea，有朋友在附近一齊上班真好 可以成日去食附近既Tea今次黎到一間兩層的台式餐廳，樓上鋪有Tea Set不推介也不會知道Lunch Set (3款小食，主菜，台灣茗菜)向職員查詢今日小食 (枝豆，豆腐乾，青瓜)另外飲品需加$15，所以最後order Tea SetTea Set (小食，主菜，飲品)餐牌上款式滿多有水煮款式，台式店食水煮很特別呢新竹米粉配手工水餃 $68 不要以為Tea Set份量就會少，原來滿大碟的米粉不會太乾食落買有很多配菜三件水餃應該已經落了少量白醋，食落有微酸脆炸豬扒魯肉飯配紅油抄手 $62 原大塊豬扒，外脆肉質鮮嫩 配上半肥瘦的魯肉飯三件抄手，微辣 個人認為比較淋身仙草奶茶柑桔檸檬(熱)香炸蚵仔酥 $78 平時食蚵仔煎食得多，今次食蚵仔酥粒粒分明，食落蚵仔不乾還很Juicy招牌三杯雞 $98 食台式店必點的三杯雞，用上雞扒肉質Juicy好入味味道 賣相 衞生 服務 抵食 推介

雙十日子就係去左食台灣野，之前分別係圓方及又一城經過過呢間餐廳，睇個名同裝修格調以為係食西餐，點知原來係食新派台灣菜，仲要係連鎖餐廳。環境位於樓上舖，佔兩層，中環分店唔似我之前經過果兩間分店咁有華麗既門面，可能因為係樓上舖，面積不大，故沒有位置再放門牌，但內裡裝修比人感覺都舒服，仲有趟門除左裝飾用途仲可以拉開放袋係入面，設計周到。黃金炸苦瓜 $88台灣菜招牌之一，鹹蛋黃炸苦瓜，外層炸粉夠薄夠香口，苦瓜甘香脆口，兩者互相中和。招牌三杯雞 $98小菜必數三杯雞，三杯為麻油、醬油及米酒，仲有不能少冰糖及九層塔。上色好靚，雞既偽份量都多，外層沾滿醬汁，香濃且甜度夠，用嚟撈飯一流，雞肉肉質亦幾嫩身，忍唔住食埋啲薑同九層塔，實在惹味。古早魯肉飯 $62一向定價低既魯肉飯，呢到售價$62，以香港台灣菜餐廳既魯肉飯嚟講，價錢確係比較昂貴。魯肉飯向來係細細碗，魯肉份量適中，為半肥瘦，撈匀再食就略微唔夠汁撈。招牌牛肉麵 $108點少得食牛肉麵，有牛腩、牛筋，湯底仲有少許榨菜，鹹度適中，麵質彈牙，牛腩牛筋都幾入味，肉質不會過老，正常發揮。總括而言，中環定位價格，服務不錯，食物之中黃金炸苦瓜及招牌三杯雞亦岩我

見到中環都有分店，lunch time過來食個晏，人流唔係好多，就無等位了直接入嚟坐低點菜，嗌咗招牌菜沙茶牛肉和一杯珍珠奶茶，沙茶牛肉裡面牛肉好嫩，又唔會煮得太熟，所以好易入口，加埋通菜個味道好夾，珍珠奶茶叫咗少糖，珍珠好彈牙，奶茶係茶味比奶味濃，我幾鐘意，下次再嚟試下其他菜式。

於中環的The Night Market，是一間主打新派台灣菜的餐廳。裝飾新潮新穎，用不同色調裝潢，較一般的台灣菜餐廳高貴型格。餐廳走偏高檔的台菜路線，價格相對上較高，但環境氣氛不俗，是個跟好友相聚的地方。滷肉飯 $62台灣菜的名物，非滷肉飯莫屬吧。這裡的滷肉飯跟方間和正宗的囗味不太一樣，滷肉偏瘦，不會太肥膩，滷肉醬偏稠偏甜，感覺像芡，不太像一般的滷肉醬。醬汁的份量偏少，未能拌勻整個飯。但飯量充足，一個人吃剛剛好。三杯雞 $98招牌的三杯雞，當然不可不試，味道和質素同樣不錯。雞件的份量頗多，雞肉厚而大件，有雞髀部位，肉質嫩滑。醬汁濃郁惹味，酒味不太濃，略為鹹了點，拌飯會較好。今晩點選的菜式不多，遭受女經理不斷問侯，服務有待改進。幸好另外兩位服務員服務有禮欣勤，值得加許。

The Night Market幾間分店水準都幾穩定而且坐得又舒服，有時諗唔到食咩，都會揀佢今晚又去左中環分店，佢地仲時不時會有MENU酸菜石斑湯 $148佢地既酸菜魚我每次都會食因為個酸味真係好恰到好處，唔會嗆喉而且又唔會太辣加埋軟滑既魚片，真係做得好好台灣豆醬炒A菜 $78晚飯當然唔可以無蔬菜呢到都有好多蔬菜菜式揀豆醬唔會太咸，菜又嫩，清清地得黎又有特式新竹炒米粉 $92佢既炒米粉又係我次次都會揀既好鐘意新竹米粉好幼身既口感佢炒得乾身之餘又唔油同埋炒得好均勻，唔會料還料，米粉還米粉鮮果茶 $42好重果味，唔會正係得糖水仲有個面放左好多生果，個樣又fresh又吸引水蜜桃紅茶 $42真係用新鮮既水蜜桃，唔係化學味加埋紅茶唔會太甜，好好飲真係食左甘多次都無令人失望大家有時諗唔到食咩都可以試下佢

同朋友於中環食午飯, the night market位置方便,12pm於中環比較容易揾位,不用訂枱,walk in 就有位,因有兩層,地方環境還可,但有點兒嘈吵,食物都來得快,但員工成日送錯餐和飲品,其實每一層餐桌都不是很多,唔明為每個員工都送錯野,餐的選擇唔多,食物味道還好,但珍珠奶茶微甜都好甜,以它的食物質數,整體價錢偏貴,一個餐加一杯珍珠奶茶,要大約HKD150, 偏貴小小,而且清水都冇一杯,加上員工收餐收得好快,趕住趕住,有待改善.