影片
更多
2009-07-17
55 瀏覽
大家前排都好忙, 檔期爆哂, 最後索性一次過賀哂五六月三位壽星女.沿街無甚商店, 位置隱蔽龜縮, 門前樹影婆娑, 配以落地玻璃, 清幽雅致, 心鄺神怡.室內裝潢舒適, 燈光柔和偏暗, 侍應禮貌周周, 彌漫浪漫氣息, 情侶談心, 溫馨倍增.奈何我等一行八人, 未受淨化, 我行我素, 以歡笑, 聲浪, 及更大的聲浪, 將這裡煉成街市大排檔, 一切視為無物, 侍應睇到眼突, 哈哈哈哈事前已知主菜份量細, 所以大家各自叫一份晚餐. 好奇怪, 大家都係點同一款餐湯-磨菇忌廉湯, 我第一個飲, 話”清水咁淡”, 立即加胡椒粉, 其他人跟我加胡椒粉先飲, 跟住就話”海水咁咸”, 以為我玩野. 我好認真咁表明我感覺, 佢地就好認真咁提議我去睇醫生, 我見大家意見一致, 在羊群心態下, 開始懷疑自己有問題, 都係時候去檢查下喇…. 此時, 女友同我交換碗湯黎試, 先發現我呢碗真係零舍唔同, 係大海中嘅一口清泉, 結果….佢飲哂囉! 佢用行動黎證明左我嘅清白! 唔使去檢查, 慳番一筆!主菜, 我點五成熟牛扒, 但到枱時已七成, 半隻腳掌大, 少老, 味道普通. 女友點海鮮扒, 石班唔錯, 蠔有蠔史味,
沿街無甚商店, 位置隱蔽龜縮, 門前樹影婆娑, 配以落地玻璃, 清幽雅致, 心鄺神怡.
室內裝潢舒適, 燈光柔和偏暗, 侍應禮貌周周, 彌漫浪漫氣息, 情侶談心, 溫馨倍增.
奈何我等一行八人, 未受淨化, 我行我素, 以歡笑, 聲浪, 及更大的聲浪, 將這裡煉成街市大排檔, 一切視為無物, 侍應睇到眼突, 哈哈哈哈
事前已知主菜份量細, 所以大家各自叫一份晚餐. 好奇怪, 大家都係點同一款餐湯-磨菇忌廉湯, 我第一個飲, 話”清水咁淡”, 立即加胡椒粉, 其他人跟我加胡椒粉先飲, 跟住就話”海水咁咸”, 以為我玩野. 我好認真咁表明我感覺, 佢地就好認真咁提議我去睇醫生, 我見大家意見一致, 在羊群心態下, 開始懷疑自己有問題, 都係時候去檢查下喇…. 此時, 女友同我交換碗湯黎試, 先發現我呢碗真係零舍唔同, 係大海中嘅一口清泉, 結果….佢飲哂囉! 佢用行動黎證明左我嘅清白! 唔使去檢查, 慳番一筆!
主菜, 我點五成熟牛扒, 但到枱時已七成, 半隻腳掌大, 少老, 味道普通. 女友點海鮮扒, 石班唔錯, 蠔有蠔史味, 蝦好韌. 其他人的主菜, 不詳. 冷熱飲品都ok.
大家都選擇加錢試下廚窗內的甜品, 八人共點八款, 然後由我地一位擁有解剖天份嘅御用金刀手-牛牛, 進行切割手術, 以黃金比例將每舊蛋糕分成8粒, 人人有得食! 佢好勁架, 任何食物一到佢手, 都可以完整分割俾在場朋友. 我至愛嘅酒心芝士餅, 好濃酒味, 正! 唔係個個識欣賞. 另外有朱古力味果幾款都唔錯. 有位朋友見咁得意, 又試下切, 卒之將果舊蛋糕分解成蛋散, 唉~
用完餐後, 我地一路傾, 傾到十點半, 打烊先走, 侍應同廚師終可抖番啖氣, 回復原有的寧靜.....
張貼
