大橋頭 (已結業)

呢排天氣真超級熱，食粉麵會好d。呢間大橋頭食台灣麵，有麵有小食仲有甜品，岩晒呢個夏日熱辣辣嘅天氣呀。店內環境唔錯，濃濃嘅台式裝修風格，裝修有好多小場景嘅佈置，比人去左夜市嘅感覺。店員亦好友善，感覺唔錯。食物種類雖然唔多，但小食正餐甜品飲品一次過包辦晒，同朋友gathering嘅話都係唔錯嘅選擇。Order左個台式肥牛滷蛋米線，湯底味道有六款選擇，左諗右諗，最後揀左藥膳牛肉湯，由多種藥材配合埋牛骨所熬煮出黎嘅牛肉湯，牛味香濃，味道帶少少甜，可以補補血氣。米線唔會煮得太腍，個人唔太鍾意腍得濟，呢個幼滑有彈性。肥牛就冇乜太特別，都係我喜歡嘅。小食就揀左流心芋泥丸，圓碌碌，賣相都幾靚。咬落去係滿滿嘅芋泥，入口層次豐富，先係外層酥脆，然後就係綿滑嘅芋泥，再加埋爆餡流心嘅效果真係太絕，味道甜度亦見適中。另外仲叫左涼拌青瓜，甜甜酸酸嘅香醋，加埋清爽脆綠嘅青瓜，解肥膩又開胃，已變成我必食之選。飲品就叫左波霸珍珠奶茶，珍珠Q彈有嚼頭，配埋茶香味濃郁嘅奶茶，甜度比例得宜，入口甜潤，回味持久。最後黎個冰粉3號，因為只限堂食，再加上係網紅之選，所以都試一試。冰冰涼涼嘅冰粉本來係冇味道，係靠糖水同甜食加配，變成