影片
更多
2023-07-10
379 瀏覽
呢排真係熱到人都癲！收咗工最好就係去間舒服嘅餐廳嘆住冷氣食好嘢，人生其實好簡單唔好咁多是非多啲好嘢食就好開心㗎喇。今次同老婆大人去到皇家太平洋酒店嘅Pierside，試餐廳七月啱啱出爐嘅夏天新菜單。大鄉里嘅我第一次嚟呢間餐廳，室內環境夠大座位好舒服，加埋有落地玻璃望到夜晚寧靜嘅海景真係幾盞。我哋今次嚟食嘅就係呢個Summer Delight Dinner Menu，一坐低侍應就送嚟麵包有黑蚊蚊嘅竹炭包同埋果仁包，兩款都暖笠笠好軟熟加埋牛油食就係正。呢個新套餐有四道菜頭盤係荷蘭番茄流心水牛芝士沙律，蘆筍同埋荷蘭番茄好新鮮加埋又香又滑嘅流心水牛芝士，呢個沙律味道清新得嚟口感好好。老婆大人飲牛油果青瓜凍湯怕凍嘅我梗係揀熱湯啦！我呢個係青豆忌廉湯又香又滑而且一啲豆青味都冇味道好香甜，加埋脆卜卜嘅麵包粒同埋煙肉勁好飲。老婆大人嘅主菜係香烤豬排骨扒菠蘿，大份到要俾咗其中一件嘅豬肋骨我，又益我食多份多謝晒喇。愛牛如命嘅我梗係加$60嘆件香烤西冷牛扒，牛扒配菜仲有巴馬臣芝士火箭菜，我呢件西冷嘅熟度做得啱啱好，切開入面肉質仲係嫩嫩嘅粉紅色，點啲阿根廷青醬食別有一番風味。甜品係睇見都清涼嘅雪糕新地，用咗啲
今次同老婆大人去到皇家太平洋酒店嘅Pierside，試餐廳七月啱啱出爐嘅夏天新菜單。
大鄉里嘅我第一次嚟呢間餐廳，室內環境夠大座位好舒服，加埋有落地玻璃望到夜晚寧靜嘅海景真係幾盞。
我哋今次嚟食嘅就係呢個Summer Delight Dinner Menu，一坐低侍應就送嚟麵包有黑蚊蚊嘅竹炭包同埋果仁包，兩款都暖笠笠好軟熟加埋牛油食就係正。
呢個新套餐有四道菜頭盤係荷蘭番茄流心水牛芝士沙律，蘆筍同埋荷蘭番茄好新鮮加埋又香又滑嘅流心水牛芝士，呢個沙律味道清新得嚟口感好好。
老婆大人飲牛油果青瓜凍湯怕凍嘅我梗係揀熱湯啦！我呢個係青豆忌廉湯又香又滑而且一啲豆青味都冇味道好香甜，加埋脆卜卜嘅麵包粒同埋煙肉勁好飲。
老婆大人嘅主菜係香烤豬排骨扒菠蘿，大份到要俾咗其中一件嘅豬肋骨我，又益我食多份多謝晒喇。
愛牛如命嘅我梗係加$60嘆件香烤西冷牛扒，牛扒配菜仲有巴馬臣芝士火箭菜，我呢件西冷嘅熟度做得啱啱好，切開入面肉質仲係嫩嫩嘅粉紅色，點啲阿根廷青醬食別有一番風味。
甜品係睇見都清涼嘅雪糕新地，用咗啲海水藍色啫喱伴碟，感覺好似喺大海一樣咁清爽。
杯入面嘅係一球雪糕一球雪葩，食完涼透心啱晒呢個咁熱嘅夏天。
Pierside Bar & Restaurant電話：27382398
地址：尖沙咀廣東道33號皇家太平洋酒店海景翼大堂高座
張貼
