影片
更多
2023-06-28
18 瀏覽
上個月去熊本時，因為天氣原因食唔到原先book個間omakase，唯有返到香港補返數。留意開omakase group，呢間comment幾好，所以就揀左試lunch menu，今次揀左呢款貴少少有刺身嘅set。海藻茶碗蒸蛋滑嫩就基本，鰹魚味淡淡地襯批返上面層海藻羮，配料方面有蝦同菇。前菜：冬菇同腐皮，師傅介紹係傳統口味，食落甜口。季節湯品：由於而家係夏季，湯入面放左一款名叫順菜嘅夏季蔬菜，個樣好特別，仔細睇好似有層啫哩包住左氣菜，食落有啲爽口。中間嘅係禮魚，上面係梅子啫喱同柚皮，禮魚係鱔嘅一種，食落無鱔咁彈牙，但幾鮮甜。湯本身帶啲酸味，飲落幾開胃。刺身：鱸魚三食可以選配紫蘇花、酢橘或者醋汁一齊食。個人比較鐘意配紫蘇花，畢竟鱸魚嘅魚味無咁突出，加左紫蘇花襯托香氣。鰝鰺一款油脂感比較濃嘅魚，魚味都突出啲。關鯖魚平時可能接觸到嘅都係醋鯖魚或者煎魚，刺身食嘅鯖魚係相對肥美，會衝擊一般對鯖魚嘅印象，好推薦。白蝦師傅話一條就等於一隻蝦仔，食時唔使分返一條條食。好鮮甜嘅蝦味，口感同平時食甜蝦/牡丹蝦唔同，有種充滿膠質嘅感覺。八爪魚腳師傅仲show埋原條未切比我哋睇，原來真身非常粗。左邊係腳，右邊係
上個月去熊本時，因為天氣原因食唔到原先book個間omakase，唯有返到香港補返數。
留意開omakase group，呢間comment幾好，所以就揀左試lunch menu，今次揀左呢款貴少少有刺身嘅set。
海藻茶碗蒸蛋滑嫩就基本，鰹魚味淡淡地襯批返上面層海藻羮，配料方面有蝦同菇。
前菜：
冬菇同腐皮，師傅介紹係傳統口味，食落甜口。
季節湯品：
由於而家係夏季，湯入面放左一款名叫順菜嘅夏季蔬菜，個樣好特別，仔細睇好似有層啫哩包住左氣菜，食落有啲爽口。中間嘅係禮魚，上面係梅子啫喱同柚皮，禮魚係鱔嘅一種，食落無鱔咁彈牙，但幾鮮甜。湯本身帶啲酸味，飲落幾開胃。
刺身：
鱸魚三食
可以選配紫蘇花、酢橘或者醋汁一齊食。個人比較鐘意配紫蘇花，畢竟鱸魚嘅魚味無咁突出，加左紫蘇花襯托香氣。
鰝鰺
一款油脂感比較濃嘅魚，魚味都突出啲。
關鯖魚
平時可能接觸到嘅都係醋鯖魚或者煎魚，刺身食嘅鯖魚係相對肥美，會衝擊一般對鯖魚嘅印象，好推薦。
白蝦師傅話一條就等於一隻蝦仔，食時唔使分返一條條食。好鮮甜嘅蝦味，口感同平時食甜蝦/牡丹蝦唔同，有種充滿膠質嘅感覺。
八爪魚腳
師傅仲show埋原條未切比我哋睇，原來真身非常粗。左邊係腳，右邊係吸盤。兩者比較下，吸盤更加爽口，配埋中間個wasabi碎碎食，好惹味。
白蝦丸
新鮮炸起，蝦丸唔係行彈牙路線，反而係似魚腐個類，想食多粒。
壽司
伊佐木
同樣係夏天既魚。
金目鯛
師傅用滾水淥左魚皮，保留左皮下脂肪。
池魚
配咗少少薑蔥，易入口又唔會太搶。
青森帆立貝
赤貝
師傅即席拍打赤貝，令赤貝更爽口。
中拖羅
大拖羅
食中拖羅時，已經感受到油脂噴發，點知大拖再將個魚油提升到極致，好彩大拖羅上加左少少鹽，令油膩感balance啲。
醬油漬赤身
略嫌個醬油味唔夠層次，加上放左係中拖大拖後面，無咁驚艷。
海膽手卷
海膽量好多，但可惜當日呢款鮮甜度略遜色，但作為收尾有啲唔夠力量。
烏冬/味增湯
橙汁
以lunch呢個價錢，質素相當唔錯。師傅同食客都有傾有講，唔會太拘謹，加上師傅會認真介紹食材，連魚名寫法都講埋，又會拎啲魚料出黎比我哋睇，如果想搵間friendly嘅omakase學下野，絕對可以考慮呢間。
張貼
