The.Daldal (已結業)

☀️夏季Sha La La....「愛七八月，兒童放假書包放下，黃黃芒果 紅紅西瓜，通通給我消化 ……🎧」今日和妹妹在尖沙咀百利商場行街，天氣又熱又曬，就嚟溶喇！逛逛走走，在三角公廁附近看到一間甜品店，我地就走入去睇吓有咩好食，順便坐低涼吓冷氣。我地叫咗個超巨型既密瓜+士多啤梨雪芭。雪芭最頂層有一粒士多啤梨，忌廉和雲呢拿雪糕，密瓜既中間空心的位置盛著雪芭，旁邊鋪滿生果。（密瓜勁甜勁多汁，十分消暑解渴）職員會把刮多咗既蜜瓜，放在一個玻璃碗仔，比返客人食）哩條魚仔紅豆燒，入面的紅豆唔算太多，夾住好似麻薯既物體煙煙韌韌，口感不錯不錯（最緊要唔係太甜，所以一點都不膩）哩個吐司好好味，我原本以為個麵包係凍既，一大啖連埋包上既雪糕放入口，點知原來個包係暖既，包入面還塗了蜜糖，感覺又凍又熱又甜甜的，很特別！我從來都未試過哩類既甜品，真係值得一試。