兩姊妹涼皮有限公司 (柏樹街) (已搬遷) 新店位置

天氣睇過嗰啲想食咩，地鐵經過太子站諗起涼皮！當然要去兩姐妹！🔸招牌兩姊妹涼皮滑滑溜溜，涼皮直接滑落到口入面。配上青瓜絲同芫荽，入口清新爽利🔸爽辣青瓜黑木耳青瓜厚切非常爽口，黑木耳大大塊，夠哂清爽🔸粒粒雞髀菇雞髀菇同樣係厚切！啖啖肉👍🏻🔸脆辣蓮藕丁蓮藕切到一粒粒，非常爽脆，加上脆辣伴料停唔到口！🔸夫妻肺片想要包羅萬有，就選擇夫妻肺片！金錢肚、豬耳、豬肚絲同豬利～樣樣都入味總括🔹小店不設堂食，價錢親民，用料實在，值得一試再試！