影片
更多
2023-07-24
302 瀏覽
但馬屋集團旗下食肆出品一向唔錯，知道牛陣推出咗夏日限定蕃茄壽喜燒，結合咗蕃茄、壽喜燒兩個我好鍾意嘅元素，而推廣期只係由7月12號去到8月31號，所以盡早去咗荃灣愉景新城分店先「嚐」為快！夜市壽喜燒套餐分三個價錢，限時90分鐘，揀咗最便宜$298套餐，另收加一，已經可以任食澳洲穀飼牛、北海道四元豚等靚級別牛豬肉，當然包括任飲任食自助吧所有食物飲品！✔️蕃茄壽喜燒$298 享用方法：1. 店員先喺鐵鍋塗上少量欖油，並喺鍋裡鋪上夏日野菜2. 上桌後待煮至野菜水份散出並出煙3. 沿鍋圈加入肉類4. 倒入自家製蕃茄壽喜燒汁5. 煮熟食用蕃茄壽喜燒湯汁酸酸甜甜，好適合炎炎夏日，刺激胃口，令人食慾大增！而套餐搭配嘅澳洲產特上長期穀飼牛係安格斯品種，無使用任何激素飼養，健康得嚟口感亦唔錯，而北海道四元豚亦都係使用天然穀飼，肉質鮮嫩味濃又唔會有羶味！✔️牛陣自助吧▪️季節性野菜及火鍋材料達30多種，蔬菜類尤其多，仲有提供唔同丸類、腸類、麵類、打邊爐必食嘅響鈴、生筋等！▪️醬汁吧嘅醬汁種類比一般火鍋店多，而且仲提供好多口味嘅調味粉！▪️熟食區提供炸物，而家有夏日限定嘅炸日式糰子、麻糬、章魚燒等，亦有關東煮、日式咖
✔️蕃茄壽喜燒$298
享用方法：
1. 店員先喺鐵鍋塗上少量欖油，並喺鍋裡鋪上夏日野菜
2. 上桌後待煮至野菜水份散出並出煙
3. 沿鍋圈加入肉類
4. 倒入自家製蕃茄壽喜燒汁
5. 煮熟食用
蕃茄壽喜燒湯汁酸酸甜甜，好適合炎炎夏日，刺激胃口，令人食慾大增！而套餐搭配嘅澳洲產特上長期穀飼牛係安格斯品種，無使用任何激素飼養，健康得嚟口感亦唔錯，而北海道四元豚亦都係使用天然穀飼，肉質鮮嫩味濃又唔會有羶味！
✔️牛陣自助吧
▪️季節性野菜及火鍋材料達30多種，蔬菜類尤其多，仲有提供唔同丸類、腸類、麵類、打邊爐必食嘅響鈴、生筋等！
▪️醬汁吧嘅醬汁種類比一般火鍋店多，而且仲提供好多口味嘅調味粉！
▪️熟食區提供炸物，而家有夏日限定嘅炸日式糰子、麻糬、章魚燒等，亦有關東煮、日式咖喱！炸日式糰子一定要試！口感好綿糯，外層炸衣好薄脆香口！
▪️Haagen-Dazs 雪糕任食，有新推出嘅馬卡龍口味！
▪️飲品放題，除一般飲品之外，仲有冷泡茶、Twinings川寧茶包，惠顧＄289 或以上之套餐，更可享Asahi罐裝啤酒放題！自己最鍾意呢度嘅桂花烏龍冷泡茶，桂花味特別香、特別易入口！
▪️kids zone有窩夫、棉花糖機，小朋友至愛！
順帶一提依家餐廳搞緊夏日限定拉繩小遊戲，有機會獲取小禮品，詳情可向職員查詢。
張貼
