牛布拉日式牛肉麵 (已結業)

Happy friday，4人相約到某餐廳，但因當日太晏去到單已截只好下次，即時係商場內搵另一間，呢個場都有不少食肆，大家又冇乜心水想食咩，見水牌有間油拌麵，日本過江龍牛布拉（ローストビーフ油そば ビースト）油拌拉麵，平時食拉麵多數都係湯拉麵或沾麵，油拌麵就未食過，而加夏日炎炎，食拌麵都係個好選擇，幾吸引一於試下了。 裝潢以木系為主。 拌麵的醬料。 餐牌，有拌麵品嚐方法，肉的份量可以揀，當然越貴越多，見到個牛布拉蓋飯，重量級牛肉又成坐山咁，好吸引，但怕食唔晒同想試下拌麵先，留返下次食。 忌廉芥末布拉拌麵，$88，肉量約70g，豐富的忌廉芥末芝士醬汁﹐味道濃郁惹味，有點似卡邦尼嘅味，芥末味唔算太強烈，口感creamy，不過會越食越漏，有點膩，拉麵口感爽滑彈牙，慢煮美國牛肩胛肉，份量適中，牛肉薄片口感嫩滑牛肉味濃，都不俗呢。味道正常水準當試下。