影片
更多
2021-11-30
198 瀏覽
之前去夏面館食下午茶時，睇到有蟹粉宴就決定喺11月尾活動結束之前去食番一次。是日是星期五，雖然係訂咗位，但係一樣要等，坐低嘅時候已喺晚上八點。因為係專程嚟食蟹粉宴嘅，所以二話不說就即刻落柯打。首先上嘅係酸辣湯，湯料有豆腐、竹筍、冬菇絲、木耳等，而且味道調得啱啱好，喺香港我已經好少食到咁好味嘅酸辣湯，水準唔錯。跟住上嘅係前菜五小碟，包括有鎮江水晶肉、糖醋排骨、蒜香四季豆、素鵝同雞絲粉皮。尼五小碟的份量妥多，尤其是係個糖醋排骨，食完嘅時候其實已經有少少飽。個餐仲有一籠兩個蟹粉小籠包，湯包入面的湯汁清甜，仲可以食到真材實料的蟹粉。唯一要講嘅係啲包嘅皮其實真係有少少厚，如果能夠做得薄啲會更加好。講得係蟹粉宴蟹粉當然是主角，跟住上嘅哆Re咪，話說係張曼玉命名的，其實係蟹粉炒蝦仁，餐廳建議配饅頭一齊食。因為係套餐，所以就冇要到饅頭，我哋將佢加落個烏金蟹粉拌麵度，即刻提升咗個口感。我非常鍾意呢個墨魚底嘅面，上次嚟食下午茶時就已經驚為天人，今次再食依然覺得好好味。最後上嘅喺碟蟹粉扒菜蕊，一句講晒，今晚食的蟹粉真係真材實料，一啲都冇欺場。仲有一樣嘢要講嘅就係佢啲蟹粉拆得非常之乾淨，一啲蟹殼都冇，俾個讚👍
首先上嘅係酸辣湯，湯料有豆腐、竹筍、冬菇絲、木耳等，而且味道調得啱啱好，喺香港我已經好少食到咁好味嘅酸辣湯，水準唔錯。跟住上嘅係前菜五小碟，包括有鎮江水晶肉、糖醋排骨、蒜香四季豆、素鵝同雞絲粉皮。尼五小碟的份量妥多，尤其是係個糖醋排骨，食完嘅時候其實已經有少少飽。
酸辣湯
8 瀏覽
0 讚好
0 留言
前菜五小碟
12 瀏覽
0 讚好
0 留言
個餐仲有一籠兩個蟹粉小籠包，湯包入面的湯汁清甜，仲可以食到真材實料的蟹粉。唯一要講嘅係啲包嘅皮其實真係有少少厚，如果能夠做得薄啲會更加好。
蟹粉小籠包
3 瀏覽
1 讚好
0 留言
講得係蟹粉宴蟹粉當然是主角，跟住上嘅哆Re咪，話說係張曼玉命名的，其實係蟹粉炒蝦仁，餐廳建議配饅頭一齊食。因為係套餐，所以就冇要到饅頭，我哋將佢加落個烏金蟹粉拌麵度，即刻提升咗個口感。我非常鍾意呢個墨魚底嘅面，上次嚟食下午茶時就已經驚為天人，今次再食依然覺得好好味。
哆Re咪
4 瀏覽
0 讚好
0 留言
烏金蟹粉拌麵
5 瀏覽
0 讚好
0 留言
最後上嘅喺碟蟹粉扒菜蕊，一句講晒，今晚食的蟹粉真係真材實料，一啲都冇欺場。仲有一樣嘢要講嘅就係佢啲蟹粉拆得非常之乾淨，一啲蟹殼都冇，俾個讚👍！
蟹粉扒菜蕊
4 瀏覽
0 讚好
0 留言
個套餐本來跟埋湯丸，所以唔須要另外嗌甜品，不過隔離枱食嘅貓山王實在太吸引，忍唔住又要咗三件貓山王榴槤高力，當然對我地尼啲榴連控就一定話係好食。
貓山王榴連高力
4 瀏覽
0 讚好
0 留言
餐廳食物喺好嘅，但係服務就有進步空間。我哋食完最後嗰碟餸同埋湯丸之間要等15分鐘，因為餐館實在太忙碌喇，雖然已經催咗兩、三次，但係都要等一排至能夠食到碗湯丸☹️。
薑茶湯丸
2 瀏覽
0 讚好
0 留言
總結嚟講，尼個蟹粉宴喺物有所值嘅。香港可以食到咁嘅質素嘅蟹粉地方唔多，趁住喺食大閘蟹季節，唔鍾意慢慢剝蟹殼嘅人不妨嚟食一次過吓癮。不過當我寫呢篇食評嘅時候，佢嘅活動亦都完結。各位想食蟹粉的朋友，可能要等到下一年至會有機會再食喇！
張貼
