Petite House (已結業)

係德福食完飯想食甜品，見呢間鋪開左咁耐都未試過，d甜品無論係相定display都幾靚咁，於是叫左個睇落應該無伏既oreo cake，點知⋯⋯件cake造型大路、正常，份量適中。學大台藝人口吻：「oreo有oreo味，海綿蛋糕有海綿蛋糕味，朱古力有朱古力味。」但我想講夾埋就真係唔好味🥴！首先，包蛋糕塊膠紙好難搣落黎，搣到夠蛋糕歪歪地先搣到（可能我個人問題啦）。第二，最頂個一大塊朱古力好似布咁，吉極都吉唔斷，最後係成塊揭起食左入面d蛋糕先🤦🏻‍♀️第三，味道正常，但口感好分離。姐係個種你唔係食緊一件cake而係一啖食緊幾種食材既感覺。材料每層之間好鬆散，唔夠融合。如果有下次，可能叫窩夫同可麗餅會更好。另外有好多位，空間感夠，都坐得舒服。