鳴門魚市場居酒屋 (已結業)

今晚又食日本野，夜收工所以揀左呢間last order 11點嘅居酒屋，宜家疫情關係，刺身、壽司、手卷、卷物、清酒半價，其他食物八折，超抵！前菜：火炙帶子左口黑松露沙律（$68），左口魚超油潤，帶子燒過又好滑。炸魷魚他他汁（$48），番到屋企就涼涼地，係氣炸鍋再焗下依然好正。刺身：三文魚刺身4片（$58），三文魚厚切。赤海蝦刺身2隻（$58），蝦又大隻又甜。壽司：吞拿魚腩（$48）、拖羅劍魚（$32）、油甘魚（$38）、鵝肝（$68）、鮮貝柱（$45）、甜蝦（$48）。超滿足，當中最鍾意當然係吞拿魚腩，魚油四溢，另外鵝肝都比我想像中厚身。半價後，咁多嘢食先$300有找，幾正啊。