陶園燒臘飯店 (已結業)

不知不覺，疫情已經有一年多了，好多人都習慣左買外賣回家，省時又方便，我經過佐敦寶靈街，又剛巧下大雨，見到門口隻燒鵝，超cute😍😍😍，完全被吸引。咪入去睇吓燒臘得唔得囉! 諗住夜晚唔煮餸，買外賣就算。呢度d燒味價錢真係算平，鹽焗雞都係70幾，唔駛自己整，超抵。我見到掛出嚟d义燒，色澤紅潤，相當吸引😋😋😋。遠處又一隻隻燒鵝掛响度，好似好好美味咁，突然又諗起出面門口隻大燒鵝，應該係呢間舖嘅生招牌，於是，就決定買左义燒同燒鵝返屋企，準備開大餐。其實，呢度除左义燒之外，仲有賣燒煵仔，墨魚，生腸，滷水鴨，紅腸等，真係可謂應有盡有，任君選擇。而且，呢度仲有卡位，非常寬敞，俾你坐喺度，慢慢嘆慢慢食亦得。認真周到。堂食外賣都可以。見到師父斬燒味斬唔停，就知好生意啦。