影片
更多
2021-01-04
53 瀏覽
呢排明明天氣凍，應該要多啲打邊爐，但夜晚禁堂食之後就唔可以夜晚出街打邊爐。但如果要我喺屋企打邊爐呢，我又懶得洗咁多野，所以就多數都係買外賣食啦。今日買嘅呢間日本菜仲要壽司、刺身同卷物類嘅外賣都有半價優惠，而其他食物就有八折，抵到不得了，所以佢就成為左我今晚嘅dinner啦。🦀軟殼蟹牛油果沙律 $54（原價 $68）想食返啲菜，又想食軟殼蟹，揀個軟殼蟹沙律就可以一次過食到呢兩樣野，抵。仲有牛油果，感覺又健康左。軟殼蟹有一大隻，切開左做四份，炸得好香。🦑炸魷魚配他他汁 $38（原價 $48）炸魷魚鬚都幾多，同個他他汁都幾夾。仲有啲生菜添。🍣三文魚刺身4片 $29（原價 $58）三文魚四片都好厚身，雖然唔係三文魚腩，但咬落都充滿油香，好食。🦐赤海蝦刺身2隻 $29（原價 $58）赤海蝦好大隻，味道好鮮甜。🎏鰻魚壽司2件 $22（原價 $45）鰻魚配上鰻魚汁同埋醋飯，係我嘅最愛。🍥鮮貝柱壽司2件 $22（原價 $45）帶子鮮甜，大大隻，好味。🎣火灸左口魚邊壽司2件 $22（原價 $45）火灸過嘅左口魚邊好香，又充滿油香，好正。🐟三文魚壽司2件 $12（原價 $25）估唔到三文魚壽司上面塊三文魚
今日買嘅呢間日本菜仲要壽司、刺身同卷物類嘅外賣都有半價優惠，而其他食物就有八折，抵到不得了，所以佢就成為左我今晚嘅dinner啦。
🦀軟殼蟹牛油果沙律 $54（原價 $68）
想食返啲菜，又想食軟殼蟹，揀個軟殼蟹沙律就可以一次過食到呢兩樣野，抵。仲有牛油果，感覺又健康左。軟殼蟹有一大隻，切開左做四份，炸得好香。
🦑炸魷魚配他他汁 $38（原價 $48）
炸魷魚鬚都幾多，同個他他汁都幾夾。仲有啲生菜添。
🍣三文魚刺身4片 $29（原價 $58）
三文魚四片都好厚身，雖然唔係三文魚腩，但咬落都充滿油香，好食。
🦐赤海蝦刺身2隻 $29（原價 $58）
赤海蝦好大隻，味道好鮮甜。
🎏鰻魚壽司2件 $22（原價 $45）
鰻魚配上鰻魚汁同埋醋飯，係我嘅最愛。
🍥鮮貝柱壽司2件 $22（原價 $45）
帶子鮮甜，大大隻，好味。
🎣火灸左口魚邊壽司2件 $22（原價 $45）
火灸過嘅左口魚邊好香，又充滿油香，好正。
🐟三文魚壽司2件 $12（原價 $25）
估唔到三文魚壽司上面塊三文魚都會咁厚，折左之後$12有兩件好抵。
🦆鵝肝壽司1件 $34（原價 $68）
見啲壽司有半價咁抵，所以食豪少少，揀返件鵝肝壽司比屋企人嘆下。鵝肝味好濃。
🐠吞拿魚腩壽司1件 $24（原價 $48）
吞拿魚腩係屋企人嘅最愛，所以買左比佢食，佢好開心。
順帶一提，店員態度好好，非常有禮貌，值得一讚。
兩個人食到好飽，大滿足，喺疫情下都仲可以食到抵食嘅日本菜做晚餐真係不幸之中嘅大幸。
張貼
