Goobne Chicken (V Point)

營業中

休息中

2020年5月14日同同事中午一齊訂外賣，我叫咗個果味醬油蒜香烤雞餐盒配一罐可樂$88，大家對當日的lunch box都讚口不絕，除咗嗰日忘記俾到餐具之外，餐盒食物擺得很靚很整齊，烤雞是熱騰騰的，另外有配三種醬汁，好似很有要求，蝦沙律的蝦也很鮮，好豐富好開心，完全覺得準備餐盒既人都好有誠意。一心諗住encho，今日2020年6月1日，襯住openrice用推廣碼減$10，再食啦，我叫同一款果味醬油蒜香烤雞餐盒，約11:45下單，預計取餐時間12:45，我哋12:30打去問可取餐未，佢話已經ready，點知去拎外賣嘅時候，除咗得個餐盒食物之外，可樂冇俾、餐具冇俾，好在我同事睇到，叫佢地俾返，但我地都係覺得袋外賣輕輕地諗唔到差什麼，原來係三款醬汁，不過太遲了，我哋已經返咗公司，冇理由再返去擺。返到去，發現啲雞凍了，薯角淋晒，啲飯也凍到硬了，非常失望。我同事話冇下次啦。點解食物質素可以差咁遠？第一次同第二次準備餐盒的人一睇就知有冇誠意。