CHIMAC (企業廣場)

營業中

休息中

平時係九龍灣番工，有時都會同同事叫依間炸雞外賣店番公司食，同事食過都讚不絕口。依間炸雞店主要做外賣、入面得4個位，唔算好大。韓式炸雞套餐 - 半半炸雞 $118 依個套餐可以揀2款唔同既口味，共有12件雞腿肉，我地揀左蜂蜜焦糖同蔥蒜醬油味，蜂蜜焦糖係推介味道之一，味道香甜帶有焦糖味，雖然每件炸雞都淋上醬汁，但仍能保持外皮香脆，再加上雞髀肉，肉質更嫩更多汁！蔥蒜醬油味道咸咸地帶有微微蒜香味，幾惹味！跟餐仲有一份薯條同飲品，好豐富！韓式炒粉絲 $47粉絲份量都幾多，以依個價錢黎講，性價比幾高！粉絲比較粗，口感煙韌，吸收晒啲汁。配料有魚糕、冬菇、甘筍、椰菜、洋蔥、雞蛋絲，好豐富！魚糕串 $24一份有兩串，韓式魚糕比較煙韌，如果有個湯配埋會更好，無咁乾。