SUKIYA すき家

營業中

休息中

作為窮人恩物，好開心終於青衣城開咗間牛丼，由公布開業到真係開業差唔多過咗半年時間，終於尋日開咗。平時日日都好夜收工，所以可以買嘅食物選擇其實好少，今日收工即刻趕過嚟買牛丼，9:33到，估唔到外賣已經截咗單，間嘢係10點閂門，堂食9:30截單我覺得合理，但係外賣都咁早截單實在不合理，而且當時店內仲有好多人喺度食緊飯，店員亦都幫緊其他人執外賣，除咗我之外門口有好幾個客人都係因為截咗單，所以冇得叫外賣失望而回，實在可惜。雖然門口嘅店員非常有禮貌，但係9:30後其實仲係人來人往，好多人落地鐵經過想買外賣，咁快閂門實在有啲不近人情，希望可以調整外賣截單時間。