影片
更多
2024-11-12
1977 瀏覽
隔咗成年有多，都無約啲晌同區工作嘅舊同學食吓飯，所以，夾到一日大家都方便就約出嚟聚一聚。以前大家都晌中環做嘢就比較方便，最近其中一位舊同學公司搬咗去金鐘，就要度一度地點，結果搵到位於大會堂嘅「城中館子」，正正喺大家嘅中間位。可能位置真喺有啲吊腳，上到嚟餐廳，應該喺飯市嘅高峰時間，但真喺唔多客，目測都喺5、6枱。然而環境其實幾舒服，一室以白色為主調，感覺清新，而且，牆上掛咗一啲畫作，有晒介紹，儼如一個小畫廊。環境講完，講午餐選擇，一個午市套餐餐牌睇晒，共有8款選擇，視乎所揀嘅主菜嚟定價，價錢為$128-$228，包埋是日餐湯、餐包、餐飲，可以額外加配小食、甜品。其實以中環一般食晏計，確實唔平，但計及環境舒服，方便坐耐啲傾吓偈，又唔同。羅宋湯+丹麥酥我哋不約而同餐湯都喺揀羅宋湯，因為貪佢健康啲，材料又豐富啲，確實味道方便酸香醒胃，裡面又多蔬菜，帶微微辣，確喺幾好飲；而餐包喺類似迷你嘅丹麥酥，雖然無話有咩餡，但喺入口酥香脆口。日式咖哩魚柳飯 $128掛住傾偈，大談往事，影漏咗一個舊同學嘅海南雞飯，而另一位舊同學就選咗呢個咖喱魚柳。因為喺日式咖喱關係，所以，只喺微微辣，帶點甜味，不過，佢話就幾
可能位置真喺有啲吊腳，上到嚟餐廳，應該喺飯市嘅高峰時間，但真喺唔多客，目測都喺5、6枱。然而環境其實幾舒服，一室以白色為主調，感覺清新，而且，牆上掛咗一啲畫作，有晒介紹，儼如一個小畫廊。
環境講完，講午餐選擇，一個午市套餐餐牌睇晒，共有8款選擇，視乎所揀嘅主菜嚟定價，價錢為$128-$228，包埋是日餐湯、餐包、餐飲，可以額外加配小食、甜品。其實以中環一般食晏計，確實唔平，但計及環境舒服，方便坐耐啲傾吓偈，又唔同。
羅宋湯+丹麥酥我哋不約而同餐湯都喺揀羅宋湯，因為貪佢健康啲，材料又豐富啲，確實味道方便酸香醒胃，裡面又多蔬菜，帶微微辣，確喺幾好飲；而餐包喺類似迷你嘅丹麥酥，雖然無話有咩餡，但喺入口酥香脆口。
日式咖哩魚柳飯 $128掛住傾偈，大談往事，影漏咗一個舊同學嘅海南雞飯，而另一位舊同學就選咗呢個咖喱魚柳。因為喺日式咖喱關係，所以，只喺微微辣，帶點甜味，不過，佢話就幾香。雖然唔知用咩魚柳，但除咗超大件之外，炸得金黃，外脆內嫩，意外地又好有魚嘅鮮甜味，同學就話最鍾意佢無將啲汁淋落魚柳度，否則整腍晒啲「脆皮」。
海鮮雞湯淮山麵 $128小弟就想濕濕哋食碗湯麵，加上呢道菜喺海鮮，又用健康嘅淮山麵，梗喺揀佢啦。嚟都嘅成品睇落幾唔錯喎，至少啲海鮮料好有睇頭，唔單止唔喺碎濕濕，而且，啲大蝦、大蜆食落都喺靚貨，唔喺雪藏嘢，有鮮味，而個清雞湯清澈鮮甜，淮山麵入口好滑溜，真喺揀啱咗。
即磨咖啡餐飲就無搞咩特別嘢啦，簡簡單單要杯即磨咖啡就算，啲咖啡豆應該靚貨，因為送到嚟已經聞到陣陣咖啡香，入口好香醇，啲奶又座熱過。餐後嘆杯咖啡，確喺非常舒服。
雖然話就話食晏得一個鐘，但喺好彩我哋嘅公司喺食晏時間上都唔會話好緊，等我哋可以再傾多幾句先散水。舊同學聚聚舊勾起唔少往事，難得仲有聯繫，實在喺一份恩典。
張貼
