凱悅海南雞專門店 (已改名) 查看

唔會再幫襯。叫咗堂食海南雞飯轉雞髀，80幾蚊。隻雞係滑，但完全冇味，唔係冇雞味，係連味都冇，一舊嘢。同埋d肉好林，口感差，唔知自己食緊啲乜嘢。個薑蓉又唔香，得個咸，啲酸汁又淡。最唔滿意係啲服務，坐低電話落單，但只可以落堂食，我需要買份外賣俾屋企人，走去同個阿姐講落定份外賣，阿姐掛住整其他嘢叫我食住先唔好落住。以往去其他餐廳食嘢正常操作都係邊堂食，邊預先叫定外賣，咁食完就唔使等可以即刻走。結果最後要食完嘢先肯落單，喺度乾等一輪。埋單只收現金都算，連多謝都冇聲。收銀旁部外賣機全程響得好大聲，食咁耐響咁耐冇停過。成個環境食得好唔舒服服務又差，食到一肚氣，唔係要咩五星級服務，但起碼所謂嘅招呼，唔係令到你降低食慾，影響進食心情。以後都唔會再幫襯。