影片
更多
2012-10-13
291 瀏覽
今日繼續「鯉景灣巡禮」... 巡邏咗好幾間店舖, 咦... 呢間Chit Chat勁多人係門外等位... 好似好得咁喎... (真係好似o架咋)夠膽自稱法國菜, 質數應該唔差得去邊啩... 嘿... 呢鋪錯晒... 枉佢仲叫"Special" Set Lunch~餐包嘅黑芝麻味超強勁, 幾好味, 見到有d客係白芝麻款...餐湯可以揀茶湯或忌廉湯...忌廉湯 -- 味道麻麻, 湯內有香草同粟米, 勁Creamy...雜菜湯 -- 味道麻麻, 稀到接近冇味...煎牛仔骨配洋蔥汁 ($63) -- 嘩!!! 個樣好唔開胃... 配菜碎濕濕又多芡... 牛仔骨味道還可以, 燒汁香甜, 但好多肥膏, 肉質亦偏硬...爐燒豬仔骨配法蘭克福腸, 薯菜, 燒汁 ($90) -- 配菜碎濕濕又多芡again... 炸薯條乾硬化... 法蘭克福腸完全冇味... 豬仔骨乾柴柴又唔入味... 點會咁o架?!!餐茶 -- 照舊冷熱檸茶, 紅茶味不濃...原來我個牛仔骨餐係冇甜品o架!!! 有冇搞錯!!! 張餐牌令人好混亂...意大利芝士蛋糕 -- 有別於一般Tiramisu, 呢度嘅Tiramisu就好似普通嘅
今日繼續「鯉景灣巡禮」... 巡邏咗好幾間店舖, 咦... 呢間Chit Chat勁多人係門外等位... 好似好得咁喎... (真係好似o架咋)夠膽自稱法國菜, 質數應該唔差得去邊啩... 嘿... 呢鋪錯晒... 枉佢仲叫"Special" Set Lunch~
餐包嘅黑芝麻味超強勁, 幾好味, 見到有d客係白芝麻款...
餐湯可以揀茶湯或忌廉湯...
忌廉湯 -- 味道麻麻, 湯內有香草同粟米, 勁Creamy...
雜菜湯 -- 味道麻麻, 稀到接近冇味...
煎牛仔骨配洋蔥汁 ($63) -- 嘩!!! 個樣好唔開胃... 配菜碎濕濕又多芡... 牛仔骨味道還可以, 燒汁香甜, 但好多肥膏, 肉質亦偏硬...
爐燒豬仔骨配法蘭克福腸, 薯菜, 燒汁 ($90) -- 配菜碎濕濕又多芡again... 炸薯條乾硬化... 法蘭克福腸完全冇味... 豬仔骨乾柴柴又唔入味... 點會咁o架?!!
餐茶 -- 照舊冷熱檸茶, 紅茶味不濃...原來我個牛仔骨餐係冇甜品o架!!! 有冇搞錯!!! 張餐牌令人好混亂...
意大利芝士蛋糕 -- 有別於一般Tiramisu, 呢度嘅Tiramisu就好似普通嘅海綿蛋糕, 層Cream薄至1-2mm, 亦食唔出咖啡酒漿... 後尾另一半發現係有一層超薄(0.5mm)嘅咖啡酒漿... 另一半竟然鐘意少d咖啡酒漿, 話咁樣個蛋糕冇咁濕淋淋, 真係各人口味唔同...離開時已經1:30pm, 門口居然仍然有好多人等緊位... 點會咁o架?!! 我地頭先就係比呢個景象呃咗...
餐廳對面係海濱長廊, 可以遠眺鯉魚門海峽...我地坐係入門口第一張枱, 度門成日開開閂閂, 走晒d冷氣, 好熱... 閂門時仲會嘭嘭聲, 成塊落地玻璃都震晒, 震到我地張枱都震埋, 好滋擾呀!!!
食物質數唔掂, 收費不菲, 天呀!!! 唔該你話比我聽, 點解會有咁多人去食o架?!!
.
張貼
