姚姚酸菜魚 (港威商場)

營業中

休息中

某日喺海港城見到「姚姚酸菜魚」有個神仙組合（佢自己講㗎，唔係我作㗎😅）其實就係酸菜魚拼北京烤鴨。北京烤鴨 - 普通，鴨本身唔夠香，同埋幾肥，皮有啲脆有唔脆，不過以上呢啲都可以接受，最大問題係個醬，完全顛覆咗我食北京填鴨嗰個醬，佢哋偏鹹，完全唔啱我口味。姚姚酸菜魚 - 夠酸夠麻，不錯。黃金脆炸小酥肉 - 我今次第二次嚟食姚姚酸菜魚，兩次都有叫呢個小食，我幾鍾意食。彩虹烏龍冰粉 - 呢個淨係望就已經知道好多材料，不過夾唔夾就見仁見智。我覺得越食越亂，好複雜😅勁多唔同味道，但係就一堆嘢放入口😂。