富山居 (裝修中)

大埔又有新餐廳呀，對我黎講梗係一大樂事啦，因為我又有好嘢食啦🥳今日仲開心，因為見到餐廳門口痴咗張大海報寫住只要社交平台讚好再加一蚊雞就可以有板燒蒜香牛油燒龍蝦半隻，咁筍嘅嘢梗係要食啦🤤由於本人好鍾意食沙律，因為可以清一清個腸胃又開胃，所以揀咗蟹子沙律🥗你見到啲蟹子同埋青瓜絲同蟹柳絲溝埋一齊，再加埋個沙律醬，真係好味道冇得頂🤭然後叫咗個餐廳必食嘅十勝厚切豬扒餐，有湯又有個沙律仔食，抵👍🏻重點係個豬扒grill 地勁香，又有少少肥豬肉一齊食，最重要係個調味我好喜歡💕叫多個小食芝士焗天火蠔，仲有啲洋蔥同少少煙肉，焗出嚟好好味呀👏🏻