校長燒肉日韓料理 (已搬遷) 新店位置

元朗好多好野食，一班朋友gathering最好就系食放題，日式放題食得多，今次就試下燒肉放題！加錢有既任食長腳蟹！估唔到啖啖肉又超鮮甜，正！加錢仲有生蠔任食，生蠔好肥美，入口creamy，呢個價位算唔錯。除左燒肉，外面仲有唔少前菜同熟食。麥樂雞、焗薯蓉都唔錯。熟食款式有七八樣左右，燒肉未熟方便醫肚。燒肉選擇好多，雞羊豬牛樣樣有齊，而且大部分醃得好入味，入口鬆軟唔韌。蔬菜都有唔少選擇，青紅椒，各種菇都有齊。另外亦有湯同糖水，食飽飲返碗就啱啱好。甜品方面，蛋糕味道一般，反而雪糕唔錯。最特別系有冰菠蘿同冰荔枝食，透心涼！