牛舞日本燒肉‧涮涮鍋放題 (1亞太中心) (已結業)

今日收工唔知食咩走咗去食燒肉同打邊爐，以我認知香港應該剩係得牛舞先可以兩樣嘢同時進行，餐廳提供三款套餐價錢，自己揀咗中間價位嘅美國極上牛肉放題。坐低之後就出去睇吓有乜嘢食，自助吧提供炸魚皮、炸餃子、炸薯條、關東煮、咖喱牛肉、火鍋食物等等，另外仲有幾款甜品同生果提供。湯底有三款提供自己揀咗黑松露牛骨湯底，黑松露湯底味道勁濃郁，跟餐附送嘅牛肉拼盤有唔同部位嘅牛肉，有部份牛肉已經醃好味，放上鐵網燒完就食得。海鮮有多款提供，虎蝦最正大隻又彈牙。除咗有得打邊爐同燒烤同時進行，餐廳仲有幾款飯、炸物、串燒同壽司提供，所以食物種類非常多元化。