味道樂居酒屋 (河內道)

營業中

休息中

又念鄉啦！朋友介紹這間食店給我解憂。地點十分便利，行進店內充滿日式佈置再睇睇餐牌，選擇甚多，先點幾款來試試。日本迷你蕃薯天婦羅$48細細粒的蕃薯仔，又香又熱，外面還有一層薄衣，口感酥脆。香炸日本池魚仔$58 池魚仔用薄薄的炸衣包着，十分香口，用來佐酒小食，真係一絕。珍寶帶子壽司兩件$78 帶子體積很大又豐厚，完全覆蓋曬壽司飯，要 揭開才知壽司飯用了赤米來做。咬吓去口感黏糯，鮮甜無比。脆炸軟殼蟹反卷$98 賣相十分吸引，全件反卷切為六件，每件反卷頂部都舖滿飛魚子，用赤米壽司飯包裹住香脆的軟殼蟹，口感多種層次。鹽燒雞翼$42 雞皮燒得又香又薄，雞肉嫩滑多汁，可見火喉掌握得多好。蒜香鹽燒赤海蝦$68 赤海蝦外殼沾上了海鹽來燒，外層乾脆，內層蝦肉仍保持肉汁，咬一口彈牙鮮味，真係想再來多點。牛肉壽喜燒 $128鍋內有大量蔬菜、豆腐和牛肉，食材吸收了甜甜的湯汁，又甜又美味。頂部還有一只生雞蛋，牛肉混合蛋汁，又滑又香。