Cocolo Tokyo Cake Factory (利東街)

營業中

休息中

平日行過呢間位於地下街嘅日式甜點店都聞到香噴噴。舖面感覺簡約好日系，放晒啲蛋糕同批，好吸引。今日終於有機會買個招牌青森蘋果批同埋香橙芝士蛋糕做下午茶。原來蛋糕都有好多款式！青森蘋果批$33 拎上手暖烘烘，聞到好香，酥皮幾脆，內餡有蘋果同吉士醬，咬入口酸酸甜甜，唔錯！如果即場食應該仲好味！香橙芝士蛋糕$38有點出乎意料，原來係雪喺冰格，食入口有橙香，芝士味淡少少，但口感好特別，有啲沙冰感覺，好清新。下次經過會encore蘋果批！