劉森記麵家 (褔榮街)

營業中

休息中

幾個月前大島龍威介紹過，因為對蝦子沒有特別興趣，所以未有去試。今日點幾鐘收工，忽然諗番起，立即出發開餐。去到差唔多兩點半(坐86真係好耐😵‍💫），不用等位直入，已經餓到黐肺，立刻點咗蝦子雲吞撈麵，枱上面有最愛的酸蘿蔔，味道啱啱好！雲吞和撈麵是分開上的，麵下面有幾條菜芯。麵條淥得幾煙靭，略帶點咬囗，蝦子分量十足，不過有少許蝦腥味，但不太影響用餐感受，反而係聽到隔離枱叫鵝腸撈，就有D唔開心！太心急叫餐冇睇餐牌，如果唔係一定係雲吞鵝腸蝦子撈😩掙扎咗一陣，叫唔叫一碗鵝腸米，但係又驚食唔晒，所以最後冇叫，下次嚟先再試啦！是日消費：雲吞蝦子撈麵$56