影片
更多
2020-09-09
1163 瀏覽
話說學生年代(十年前...)第一次食重慶涼麵就係幫襯「津津好好味」(舊舖：津津-好金の味)，從此我就愛上咗。不過當時佢仲係喺砵蘭街舊舖，佢好犀利地由專做外賣，變到近年搬咗去長沙灣道有得堂食嘅舖位👍。搞笑嘅係每次經過舖頭，佢出面都係放滿咗啲裝住發泡膠餐盒嘅紙箱😅，絕無例外。我間唔使都會自己去幫襯，買外賣番Office食。但呢日就決定帶埋個鍾意食辣嘅同事去試下😝。無論新舖定舊舖都好，佢永遠都係有咁多人幫襯，堂食同外賣訂單均源源不絕🥡。小店賣嘅食物款式好少😳，基本上就係雲呑仔、涼麵同酸辣粉。不過咁都好，集中賣幾樣招牌菜好過樣樣都賣，但又無樣精！大涼麵($20)，我大大話話應該食過起碼廿次，我敢講佢多年嚟仍然能保持一貫高水準🍜。首先，份量真係多，因為係拌麵、無湯，所以成大碗裝住滿滿嘅麵。今次嘅麵條好爽身、彈牙，可能因為係新鮮整起，放得唔耐，好食！重慶涼麵有得揀辣度，我哋要咗小辣🌶，所以食起上嚟隻辣的確係相當皮毛。反而食到尾覺得酸味更出，但唔係鹹酸菜嗰種。啲汁同芽菜集中喺底，所以建議要撈匀先食。喺夏天食佢，真係有消暑嘅作用☀️。大雲呑($32)，小店有得揀大雲呑或者小雲呑，但唔好誤會佢係講雲吞Si
搞笑嘅係每次經過舖頭，佢出面都係放滿咗啲裝住發泡膠餐盒嘅紙箱😅，絕無例外。
我間唔使都會自己去幫襯，買外賣番Office食。但呢日就決定帶埋個鍾意食辣嘅同事去試下😝。無論新舖定舊舖都好，佢永遠都係有咁多人幫襯，堂食同外賣訂單均源源不絕🥡。
小店賣嘅食物款式好少😳，基本上就係雲呑仔、涼麵同酸辣粉。不過咁都好，集中賣幾樣招牌菜好過樣樣都賣，但又無樣精！
涼麵
$20
69 瀏覽
0 讚好
0 留言
重慶涼麵有得揀辣度，我哋要咗小辣🌶，所以食起上嚟隻辣的確係相當皮毛。反而食到尾覺得酸味更出，但唔係鹹酸菜嗰種。啲汁同芽菜集中喺底，所以建議要撈匀先食。喺夏天食佢，真係有消暑嘅作用☀️。
雲呑
$32
46 瀏覽
0 讚好
0 留言
雲吞
$32
35 瀏覽
0 讚好
0 留言
雲呑係由小店自家製作，我諗大媽們包幾多都賣得哂，因為真係好多人買。好多街坊會買生雲吞返屋企自己再煮🏠。
豆漿
$7
50 瀏覽
0 讚好
0 留言
由於政府限制關係🚫，堂食座位須減少同埋要有足夠距離。小店好守規矩，但又好唔識變通，因為只要佢加番塊隔板，就可以坐多枱人。佢而家將原本可以坐9個人嘅位置，變成坐得2個人...。啲圓櫈無位放，搞到一地都係😂，成個陣咁，好好笑。
題外話，老闆嘅服務態度愈來愈差，個個客入到去都比佢指點，又逼人哋落咗單先好坐低😩。大佬，你間鋪有幾大呀？個餐牌喺正入口走廊上方，企喺度睇又阻住人...。
總括嚟講，食物質素仍然係高，價錢大眾化！但唔知係咪因為食多咗同類型菜式，我又覺得味道再無以前嗰種驚艷。另外，就算幾好食都好，亦唔代表你可以串得起囉！開門做生意唔應該咁嘅態度🙏🏻。最後，如果堂食Share嘢食就未必太方便，我估佢未必畀多個兜你。
張貼
