盈圖

營業中

休息中

今日同屋企人嚟到呢間一直都回訪嘅酒樓食點心☺ 餐廳裝潢好簡約大氣，圓檯啱晒一大班人嚟 呢度聚會飲茶 無論係食物定服務、價錢、環境都唔錯👍🏻超級推介👇🏻呢度嘅盈圖蝦餃皇，水晶嘅外皮入面包住大大粒蝦仁，精緻嘅外表令人忍唔住想一啖食晒佢🤤蝦 餃皮又薄又煙韌，再配埋優質又鮮美嘅蝦仁做餡，鮮味多汁! 佢哋嘅黑金流沙包有着獨特嘅黑色外表睇落就好特別~咬開個包入面金黃色嘅流沙慢慢流出嚟 ，帶住鹹蛋黃嘅鹹同微微甜味，好好味👍🏻仲有原隻鮮蝦腸，蒸得晶瑩剔透嘅腸粉皮，入口滑溜溜嘅🤤入面嘅蝦仁超級大粒，鮮嫩又彈牙!! 呢個好得意嘅雞仔鹹水角，小雞仔造型超得意😍食落甜中帶少少鹹，外皮金黃酥脆，內層軟糯糯 嘅🤤佢哋嘅金湯小籠包，薄嫩嘅麵皮，包住肉汁飽滿嘅豬肉餡，一啖咬落去肉汁喺口入面爆發💥喺度 提提各位唔好心急，唔係就會好似我咁燙親條脷😂