烏蠅館 (九龍中心大廈)

營業中

休息中

尖沙咀呢間冒菜真係抵食到爆！A餐可以任揀4款配菜，加少少錢仲可以要埋甜品同飲品，食完個lunch飽到捧住個肚走～ 配菜選擇多，鮮淮山爽口，雞肉嫩滑，雞中翼入味，牛筋又淋又彈牙，仲有生根同風琴豆腐串吸晒湯汁，正！湯底可以揀麻辣（BB辣啱晒怕辣嘅朋友）或者番茄湯，濃郁得嚟唔會太膩。 除咗唔同種類嘅粉面之外，仲可以選白飯，撈湯食一流！飲品方面，西瓜鮮果茶清新解辣，白桃寒天綠茶香甜有口感，仲可以揀少甜少冰！健康之選甜品控必試！冰粉加桂花蜂蜜，清甜爽滑；紅糖糍粑外脆內軟，食完超滿足。